Jak budzie vyhladać atestacyja ekskursavodaŭ z nastupnaha hoda
Ekskursavodaŭ i hidaŭ-pierakładčykaŭ pačnuć atestoŭvać z 1 studzienia 2023 hoda. Adpaviednuju pastanovu «Ab ekskursijnym absłuhoŭvańni» pryniaŭ Saviet ministraŭ Biełarusi.
Atestacyju buduć aficyjna pravodzić dla pravierki viedaŭ i ŭmieńnia prymianiać ich padčas ekskursii. Dla praviadzieńnia atestacyi buduć stvarać atestacyjnuju kamisiju.
Atestacyju buduć pravodzić u formie ekzamiena praz kampjutarnaje testavańnie i vusnuju razmovu. Kab zdać ekzamien na kampjutary, treba budzie adkazać pravilna minimum na 60% pytańniaŭ. Vyniki hetaha ekzamiena buduć dziejničać na praciahu dvuch hadoŭ.
Tych, chto prajšoŭ ekzamien na kampjutary, dapuściać da vusnaha ekzamiena. Padčas jaho treba padać kamisii teksty i technałahičnyja karty ekskursij pa zajaŭlenych temach. Ekzamien zaličać, kali čałaviek viedaje mietodyku i techniku praviadzieńnia ekskursij, a jaho teksty i technałahičnyja karty ekskursij aktualnyja.
Paśla zdačy atestacyi ekskursavodu vydaduć paśviedčańnie, pieralik temaŭ ekskursij i bejdž. Termin dziejańnia hetych dakumientaŭ — piać hadoŭ.
Atestacyja aŭdyjahidaŭ budzie adbyvacca ŭ Ministerstvie sportu i turyzmu albo ŭpaŭnavažanych im dziaržarhanizacyjach. Tam buduć aceńvać hałasavoje supravadžeńnie tekstu aŭdyjahida, sam tekst, afarmleńnie schiemy maršrutu, a taksama fota i videa, kali takija praduhledžanyja.
Uličvajučy vialikuju zakłapočanaść z boku dziaržavy ŭ apošnija hady ideałahičnymi pytańniami i ich aktyŭnyja sproby pry dapamozie roznaha kštałtu represij zadušyć lubuju alternatyŭnuju aficyjnym pohladam dumku, nie vypadaje sumniavacca, što i hetaja atestacyja budzie pieradusim skiravanaja na toje, kab pazbavić licenzij na praviadzieńnie ekskursij tych ekskursavodaŭ i hidaŭ, čyje pohlady razychodziacca ź dziaržaŭnaj prapahandaj. I vysokaja kvalifikacyja dy hłybokija viedy naŭrad ci buduć arhumientam za vydaču dazvołu na praviadzieńnie ekskursij.
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kamientary