Siarhiej Rozum — žychar Marjinaj Horki, fihurant kryminalnaj «rejkavaj spravy». 31 žniŭnia palitviazień skončyŭ adbyvać termin u škłoŭskaj kałonii № 17 i vyjšaŭ na volu, paviedamlaje «Viasna».
28 krasavika 2021 hoda sud Puchavickaha rajona asudziŭ Siarhieja Rozuma pa č. 1 art. 309 KK (naŭmysnaje pryviadzieńnie ŭ nieprydatny dla ekspłuatacyi stan srodkaŭ čyhunačnaha transpartu) da dvuch hadoŭ kałonii.
Zhodna z abvinavačvańniem, Siarhiej 14 śniežnia 2020 hoda, znachodziačysia na čyhunačnych šlachach u rajonie siomaha pikietu 436 kiłamietra, raźmieščanaha pablizu pasiołka Marjina Puchavickaha rajona, naŭmysna prymacavaŭ mietaličny drot pamiž dźviuma čyhunačnymi rejkami praz abmotvańnie jaho vakoł rejek.
U vyniku jahonych dziejańniaŭ kala 23.20 hadzin adbyłosia zamykańnie rejkavaha łancuha nazvanaha ŭčastka, na niavyznačany termin byŭ padadzieny iłžyvy sihnał ab zaniataści ŭčastka čyhunačanaha šlachu, što abmiažoŭvała na ŭjezd na jaho pry faktyčna svabodnym stanie.
Kamientary