«Ekstremistam», jakich pazbaviać hramadzianstva, prapanujuć zabaranić ujezd u Biełaruś na 30 hadoŭ
U Alaksandra Łukašenki prajšła narada nakont źmieny zakanadaŭstva ab hramadzianstvie. Zakranutaje było i pytańnie «karty palaka» i inšych padobnych dakumientaŭ, a taksama toje, jakija miery buduć pryniatyja dla tych, kaho pazbaviać hramadzianstva.
«Nam treba razabracca: ci jany hramadzianie Biełarusi, ci jany prosta abłudnyja, prosta ŭziali hetuju kartu nibyta vypadkova, ci ŭ ich inšaja «aryjentacyja». Dumaju, u orhanaŭ unutranych spraŭ i dypłamatyčnaj słužby jość i inšyja pytańni ŭ śfiery hramadzianstva, jakija vyklikajuć zaniepakojenaść», — zajaviŭ Łukašenka.
Kiraŭnik MUS Ivan Kubrakoŭ dałažyŭ ab šerahu prapanoŭ u zakonaprajekt. Adna ź ich zaklučajecca ŭ zamacavańni mahčymaści abmiežavańnia pravoŭ i svabod hramadzian Biełarusi, jakija majuć inšaje hramadzianstva, u vypadkach, praduhledžanych Kanstytucyjaj i zakanadaŭčymi aktami. Čałaviek, jaki atrymaŭ «kartu palaka» ci VNŽ, abaviazany budzie infarmavać pra heta kampietentnyja orhany.
«Praduhledžvajecca mahčymaść straty asobaj, jakaja znachodzicca pa-za miežami Biełarusi, biełaruskaha hramadzianstva, nabytaha ŭ tym liku i pa naradžeńni, pry najaŭnaści prysudu suda Respubliki Biełaruś, jaki ŭstupiŭ u zakonnuju siłu, jaki paćviardžaje ŭdzieł takoj asoby ŭ ekstremisckaj dziejnaści abo pryčynieńnia joj ciažkaj škody intaresam Respubliki Biełaruś zhodna ź pieralikam artykułaŭ, jakija buduć vykładzienyja ŭ zakonie. Prapanujecca, što takoje rašeńnie budzie prymacca kiraŭnikom dziaržavy pa prapanovie Kamisii pa pytańniach hramadzianstva.
U dalejšym u dačynieńni da ekstremista, jaki straciŭ hramadzianstva Biełarusi, prapanujecca prymać rašeńnie ab zabaronie ŭjezdu ŭ krainu na termin da 30 hadoŭ. Taksama MUS raźličvaje na prafiłaktyčny efiekt hetaj zakanadaŭčaj inicyjatyvy», — raspavioŭ ministr.
-
Dziadula ź Viciebska zapościŭ fota sa skrynkaj ad televizara i staŭ zorkaj tyktoku. A jaho siabar pieratvaryŭsia ŭ miem
-
«Nie jem paśla šostaj i kožny dzień rablu «nažnicy». Sakrety badzioraści i historyja žyćcia 99-hadovych siaścior-bliźniatak z Vaŭkavyska
-
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»9
Kamientary