Fiaduta ŭ apošnim słovie na sudzie: Abvinavaŭca iranizuje, ci nie vysokija matyvy stali pryčynaj maich dziejańniaŭ. Ale, heta tak!

«[…] Pieradhistoryja «zmovy» — stvareńnie dvuma biełaruskimi emihrantami — Dźmitryjem Ščyhielskim i Jurasiom Ziankovičam youtube-kanała z durackaj nazvaj «Sirenievieńki bieśpierśpiektyŭniak» u krasaviku 2020 hoda. Na jakim jany «mačyli» biełaruskuju ŭładu davoli hruba, časam u chamskich vykazvańniach.

Rana ci pozna heta pavinna było pryciahnuć uvahu našaj hłyboka ranimaj ułady. Uličvajučy toje, što Ziankovič byvaŭ na radzimie i vałodaŭ tut nieruchomaściu, jaho ŭziali ŭ raspracoŭku, praŭdapodobna, miarkujučy, što za im niechta staić. Tym bolej dva bałbatuny ŭ svaich pieradačach uparta prasoŭvali ideju, što biez vojska lubaja sproba zrynuć Łukašenku, zastajučysia ŭ ramkach zakanadaŭstva, prapanavanaha Łukašenkam, padpisanaha Łukašenkam i vykarystoŭvajemaha Łukašenkam u intaresach Łukašenki, niemahčymaja i biessensoŭnaja. […]

Adnojčy nieznajomy čałaviek skinuŭ mnie paviedamleńnie, dzie prapanavaŭ sustrecca. […] Jak havaryłasia ŭ filmie «O biednom husarie zamołvitie słovo»: «Vy vzialiś pomohať žandarmu» — «No eto vied́ naši žandarmy».

U filmie ŭ ščyraść takoj pazicyi nie pavieryŭ navat žandar. Ale my nie ŭ filmie, a ŭ žyćci. U ludziej roznyja matyvy. Ja ŭ ščyraść śviedki Žuraŭskaha i jaho hatoŭnaść dapamahać vieryŭ bieśpiarečna.

Pieršaja sustreča Ziankoviča z Žuraŭskim adbyłasia ŭ Minsku ŭ kancy žniŭnia, druhaja ŭ Horadni 12 vieraśnia. Mienavita z taho dnia varta adličvać historyju «zmovy», lidaram jakoj čamuści ličycca Juraś Ziankovič. Z prasłuchanych telefonnych razmovaŭ vynikaje, što mienavita Žuraŭski inicyjuje bolšaść razmoŭ, patrabuje ad Ziankoviča adkazu, ale ŭ taho niama ani hrošaj, ani płanu dziejańniaŭ. Heta​ pra​blema​ «ka​lektyŭna​ha​ Žura​ŭska​ha​» — biez hetych dvuch składnika​ŭ nijaka​j zmovy nie vychodzić. Usiaho, na​ što cha​pa​ie ma​hčyma​ściaŭ Ziankoviča​ — da​sta​ć z a​sa​bistych aščadžeńniaŭ 5 tysiač da​lara​ŭ i vyda​ć ich na​ biahučyja vydatki.

[…] Supracoŭnik KDB, u zadaču jakoha ŭvachodziła administravańnie adnaho z najbolš radykalnych čataŭ, pierasyłaje Ziankoviču płan «Cišynia» — adziny dakumient, u jakim dakładna sfarmulavany płan zabojstva Łukašenki, a toj pierasyłaje jaho Mikałaju Aŭtuchoviču i Ivanu Žuraŭskamu. Ale Aŭtuchovič adrazu bačyć u hetym pravakacyju i admiažoŭvajecca.

Płan zabojstva «pieršaha» sapraŭdy byŭ, pry hetym aŭtara hetaj kryvavaj falšyŭki nichto nie šukaje. Dziela Ramana Pratasieviča ledź nie zbankrucili ŭsiu biełaruskuju avijacyju, a tut cišynia. Možna skłaści słaviesny partret. Navat nie imitujuć pošuki! Bo raptam znojduć!

[…] Žuraŭskaha, tym časam, čakaje rasčaravańnie: ambicyi Ziankoviča, jaho niezadavolenaść treciaradnaj rolaj u apazicyi nie dajuć jamu damovicca ni z adnoj upłyvovaj emihranckaj strukturaj. U vyniku ŭ advakata tolki 16 tysiač dalaraŭ i 3 tysiačy biełaruskich rubloŭ. Ujaŭlajecie, kolki kryvi možna pralić na hetyja hrošy? Čynhischan adpačyvaje. […]

Stanovicca jasna, što Ziankovič — pustyška. I ŭsio ž pozna admianiać pravakacyju — užo padniali FSB Rasii, užo papiaredzili Łukašenku. «Pustyšku» biaruć. Kab nie apraŭdvacca, Pucinu dakładvajuć ab raskryćci «kryvavaj zmovy pad kiraŭnictvam CRU». Pucin vieryć, i navat raskazvaje ab hetym svajmu amierykanskamu kalehu. U adkaz — nieparazumieńnie — ab «zmovie» nie viedajuć ni ŭ CRU, ni ŭ Dziarždepartamiencie, ni ŭ aparacie samoha prezidenta ZŠA. Pucin apynajecca ŭ roli kłoŭna, a tamu i arhanizataram niama kudy adstupać — zzadu Maskva. Kali ŭsio pravaliłasia — aficyjnamu Minsku nie pazajzdrościš.

[…] Nivodnaja z razdrukovak z čataŭ i razmoŭ nie ŭtrymlivaje ničoha, što možna nazvać «faktam». Niama imionaŭ zachodnich ci rasijskich palitykaŭ i funkcyjanieraŭ śpiecsłužbaŭ. Niama śviedčańniaŭ ab sustrečach kaho-niebudź sa «zmoŭščykaŭ» z vysokapastaŭlenymi biełaruskimi palitykami i vajskoŭcami.

[…] Fiaduta hatovy pisać palityčnyja dakumienty i płany, ale tam kryvi niama.

[…] Usio hetaje rasśledavańnie pakazała hramadstvu — ułady bajacca niełajalnaści vojska. Žuraŭski syšoŭ na piensiju, chacia jamu słužyć i słužyć. Ci značyć heta, što armiejskija aficery nie cierpiać pobač z saboj raskrytaha ahienta «žandaraŭ», navat kali heta «našy žandary»?! […]

Dyk ci była zmova — nie padmacavanaja ni hrašyma, ni płanami i vajskovymi suviaziami? Ja ŭ jaje vieryŭ, značyć, udzielničaŭ u joj śviadoma. Čamu ž ja ŭ joj udzielničaŭ? Śledstva ŭparta naviazvaje sudu viersiju ab niźmiennych matyvach. Bo mienavita hetaja viersija vyhadnaja prapahandystam. Ale nie dakazany nivodny ź niźmiennych matyvaŭ. […] Jakoje raspalvańnie varažniečy? Pracytujcie choć adnu maju frazu, ale ni śledstva, ni chto inšy nie pryvodzić ničoha. Inačaj, dumaju, ja b adkazvaŭ za takija słovy ŭ sudzie našmat raniej.

Spadar abvinavaŭca dazvoliŭ sabie pairanizavać ź mianie, spytaŭšy, ci nie vysokija matyvy sta​li pryčyna​j ma​ich dziejańniaŭ. A​le, heta tak!

Ja moh by ŭziacca, naprykład, vypraŭlać sistemu adukacyi i pa​drychtoŭki ciapierašnich ka​dra​ŭ. Ja na​va​t nie a​b pamyłka​ch u pra​ta​koła​ch, jakija śledčy ŭ majorskich pa​hona​ch musiŭ vypra​ŭlać. […]

Užo pry vystaŭleńni mnie pieršych abvinavačańniaŭ ja musiŭ u piśmovaj formie ahavaryć, što nie mahu pryniać ich u poŭnym abjomie, bo tam śćviardžaŭsia moj namier parušyć Kanstytucyju, pryniatuju na… refierendumie 1994 hoda! Navat student 2-ha kursa jurydyčnaha fakulteta viedaje, što pieršy refierendum u Respublicy Biełaruś adbyŭsia ŭ 1995 hodzie, a tuju Kanstytucyju pryniaŭ jašče Viarchoŭny Saviet BSSR. I takoje tryźnieńnie ad majora KDB u asabliva važnych spravach Akuliča paŭtarałasia trojčy!

Biazhramatnaja farmuloŭka «kačuje» ŭ zvarotach da roznych instancyj bolej za siem razoŭ. Uražańnie, što načalnik Śledčaha ŭpraŭleńnia KDB Biełarusi pałkoŭnik Sambuk padpisvaje dakumienty, nie prychodziačy ŭ prytomnaść.

[…] Adbyłasia admoŭnaja sielekcyja kadraŭ, łajalnaść vyšej za prafiesijanalizm. Prajšła transfarmacyja ź sistemy achovy prava ŭ sistemu achovy pravaachoŭnikaŭ. […] Ciapier jak indulhiencyja fraza «Časam nie da zakonaŭ», jakuju vymaviŭ Łukašenka, pryznačajučy hienieralnym prakuroram Andreja Švieda. I nivodzin z prysutnych nie vyjšaŭ u znak pratestu suprać nastolki jaŭnaha parušeńnia, zakliku. Chacia paźniej za takija ž słovy asudžali toj ža kanał «Sirenievieńki bieśpierśpiektyŭniak».[…]

Z ekranaŭ lijecca charaktarystyka inšych narodaŭ u styli «ukrašvajn», a prakuratura nie zaŭvažaje jaŭnaha raspalvańnia varažniečy.

[…] Ja pavieryŭ u zmovu, bo chacieŭ u jaje pavieryć. Sumlenny čałaviek nie moh nie aburycca tym, što adbyvajecca ŭ krainie.

Heta zrazumieŭ navat Jury Karajeŭ, jaki vybačyŭsia za «praźmierny hvałt». I heta kaštavała jamu pasady. Heta zrazumieŭ i Ivan Naskievič, pry jakim jaŭnyja vypadki hvałtu chacia b fiksavalisia. I heta taksama kaštavała jamu pasady. Mitrapalit Pavieł naviedaŭ nie tolki špital z amapaŭcami, ale i ludziej, jakich tyja amapaŭcy bili. I heta kaštavała jamu pasady Patryjaršaha ekzarcha Biełarusi.

Kali ni zakon u vyhladzie Śledčaha kamiteta, ni Boh u vyhladzie Carkvy nie spynili hramadzianskaj vajny, što pačałasia ŭ krainie, chtości ž pavinien byŭ stać na jaje šlachu?! Kali ŭsia pravaachoŭnaja sistema krainy stała sistemaj achovy pravaachoŭnika ad prava, dyk jana pavinna adnavicca. Niachaj navat i šlacham biezzakońnia ciaham miesiaca. Heta lepiej, čym dva hady, jakija my ŭsie žyviom biez zakonu. […]

Pavodle telefonnaha apytańnia ŭ 2020 hodzie, za Łukašenku hatovyja byli prahałasavać tolki 26%. Pry hetym nielha zabyvać pra ŭzrovień strachu. […] Prafiesar Vardamacki patłumačyŭ pavodziny hramadstva tym, što mnohija respandenty bajacca vykazvacca adkryta abo nazyvajuć toj varyjant, za jaki jaho tearetyčna nie buduć pieraśledavać. […] Pakvaternaje apytańnie, praviedzienaje za paŭtara miesiaca da vybaraŭ, było jašče bolš jaskravym — za Łukašenku tolki 15%. I vy chočacie, kab pry takoj realnaj padtrymcy ja pavieryŭ Jarmošynaj i jaje zvyš 80%?!

Sacyjołahi byli ščyrymi, Akademija navuk, akademik Husakoŭ pryznaŭ heta ŭ dakumiencie, ale tam vyrašyli nie paŭtarać šlach prafiesijnaha samahubca prafiesara Koršunava i nie apublikavali źviestak. U adkazie na aficyjny zapyt, adnak, iłhać jany nie stali.

Lehitymnaja ŭłada nie pravodzić tajemna ad naroda ina​ŭhura​cyju, za​konna​ vybra​ny prezident nia bieha​ie z a​ŭta​ma​ta​m biez ra​žka. Łuka​šenka​ ba​icca​ nastolki, što na​va​t u hod, jaki jon sa​m abviaściŭ «hoda​m na​cyjana​lna​ha ​adzinstva​», tolki ra​skručva​ie ma​cha​vik represij. Ličby spadara advakata: bolej za​ miljon ča​ła​viek udzielničali ŭ 6200 vialikich i ma​łych akcyjach. I nie treba​ suciaša​ć siabie, što ludzi vychodzili za​ hrošy. Za​ ich mohuć stajać na​ pikieta​ch. Tut ža​ na​va​t pa​d stra​cha​m śmierci vychodzili. Ludzi pratesta​va​li i paśla hibieli Alaksandra​ Ta​ra​jkoŭska​ha​, pa​śla vykra​da​ńnia i hibieli Ramana​ Ba​nda​renki, i pa​śla hibieli a​d sałdacka​j kuli — što pryzna​na​ — bieraściejca​ Šuta​va​, piera​d jakim ja vina​va​ty, bo nie pamiataju jahonaha​ imia (Hienadź — RS.).[…]

Ja dumaju ab hetych ludziach, ab ich vačach, ab ich uśmieškach, jakija aśviatlali mnie kamieru, ab ich dapamozie i padtrymcy. I vymušany pryznać, što ŭdzielničaŭ u zmovie, navat kali heta była pravakacyja pałkoŭnika Žuraŭskaha i mistyfikacyja hienerała Cierciela.

I apošniaje… Vysoki sud. Ja źviartajusia da vas. U vialikaha kinarežesera Stenli Kramera jość film «Niurnbierhski praces». Jon nie pra «vialiki «Niurnbierh»», dzie sudzili złačyncaŭ vajny, kancłahieraŭ i prapahandy. Jon ab adnym ź dziasiatkaŭ pracesaŭ, na jakim sudzili sudździaŭ. Spensar Trejsi «sudzić» Barta Łankastera. Hieroj Łankastera — vybitny juryst, vysłuchaŭšy pakazańni tych, kaho jon sudziŭ na łahiery, turmy i navat na kastracyju za parušeńnie zakonaŭ ab «čyścini rasy», suciašaje siabie, maŭlaŭ, jon vykonvaŭ zakon». […]

• 302
• 0
• 12
• 2
• 3
• 22
• 36
• 0