Student Łukašenku: Paśla padziej 2020 hoda bolšaja častka naroda admaŭlajecca słuchać praŭładnuju infarmacyju
Student bijałahičnaha fakulteta Biełaruskaha dziaržaŭnaha ŭniviersiteta Dzianis Znak zadaŭ Łukašenku śmiełaje pytańnie, choć paśla zhadki 2020 hoda pasprabavali adklučyć mikrafon.
Dzianis Znak, student 1 kursa bijałahičnaha fakulteta BDU, spytaŭ u Łukašenki: «Paśla padziej 2020 hoda bolšaja častka naroda Biełarusi admaŭlajecca, skažam tak, słuchać usiakuju praŭładnuju infarmacyju, praŭładnuju, patryjatyčnuju i hetak dalej. U suviazi z hetym u mianie pytańnie, jakija dziejańni my možam pradpryniać, kab źniać hetyja akaličnaści».
Alaksandr Łukašenka ŭ adkaz paŭtaryŭ svaje śćviardžeńni pra toje, što za jaho prahałasavali 5 miljonaŭ čałaviek, i što sfalsifikavać takuju padtrymku niemahčyma, a paśla syšoŭ u apisańnie situacyi vakoł kavidu i jaho reakcyi na jaho.
Ën taksama paŭtaryŭ śćviardžeńni, što Biełaruś dała rady pandemii kavidu lepš za inšyja krainy i što śmiarotnaść u krainie była ŭ 20 razoŭ nižejšaj, čym u inšych. Nasamreč, lišniaja śmiarotnaść u Biełarusi ŭ 2020—2021 hadach była adnoj z najvyšejšych na śviecie.
Alaksandr Łukašenka taksama zajaviŭ što ŭ Bučy nie było masavych zabojstvaŭ i što Chatyń spalili «nacmeny».
Ën taksama niekalki razoŭ pahražaŭ Dzianisu Znaku: «Majcie na ŭvazie, što dziaržava mocnaja svaim paradkam. Nie parušajcie zakonaŭ, bo za heta nastupaje strohaja adkaznaść. Ty na bijałahičny fakultet pastupiŭ? Ja zaraz u rektara spytaju, jak jon ekzamieny prymaŭ».
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha14
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary