Kultura33

U centry Lidy źjaviŭsia murał pra kachańnie, staražytnyja plamiony i haradskuju kulturu

Na fasadzie piacipaviarchovaha doma pa adrasie Leninskaja, 17 źjaviŭsia murał «Kachańnie». U jaho asnovie — historyja kachańnia chłopca i dziaŭčyny z dvuch varožych adno adnamu plamionaŭ, pierakazanaja ŭ pieśni «Pieśniaroŭ». Hieroi murała — sučaśniki, jakija simvalizujuć budaŭnictva haradoŭ pa pryncypach zhody haradskoj kultury i pryrody, piša Hrodna.life. 

Murał u Lidzie. Fota: Urban Myths

U asnovie siužetu lidskaha murała — historyja kachańnia. Kaliści hety rehijon byŭ na styku niekalkich kultur: bałtaŭ, słavian i jaćviahaŭ — plemieni dajnova. Niekatoryja historyki ličać, što Lida niejki čas była centram lehiendarnaha Dajnoŭskaha kniastva. Aŭtary murała natchnilisia adnoj ź piesień ansambla «Pieśniary» — «Dajnova». U joj raskazana ramantyčnaja historyja dziaŭčyny-jaćviažki (dajnova) i chłopca-lićvina, ź jakich i pačałosia mirnaje suisnavańnie raniej varožych adno adnamu plamionaŭ. Hierojami karciny na piacipaviarchoviku stali sučasnyja maładyja ludzi, jakija, jak ich prodki, stvarajuć budučyniu horada na pryncypach kachańnia i tvorčaści. U ich vobrazach taksama možna ŭbačyć sajuz piaščotnaha pryrodnaha pačatku i sučasnaj haradskoj kultury, padkreślivajuć aŭtary.

Aŭtary murała — vuličny mastak Jaŭhien Sasiura (Mutus) ź Pinska i vypusknica adździaleńnia manumientalna-dekaratyŭnaha mastactva Biełaruskaj akademii mastactvaŭ Lizavieta Butrys (Minsk). Jaŭhien Sasiura taksama byŭ adnym z aŭtaraŭ novaha hrodzienskaha murała z Kałožaj u burštynie (bulvar Leninskaha kamsamoła) i stvaralnikam murała «Za maraj» 2014 hoda (vulica Biełyja Rosy). U svaich pracach mastak kambinuje realistyčnyja vobrazy i prasiaknutyja simvalizmam miełanchaličnyja siužety.

Tak stvaraŭsia murał u Lidzie

Murały ab mifach dla budučyni haradoŭ

Murał «Kachańnie» staŭ siomym u sieryi sacyjalna-kulturnaha prajekta «Tradycyi dziela budučyni», pryśviečanaha 100-hodździu Biełarusbanka. Dziesiać aŭtarskich manumientalnych rośpisaŭ u roznych haradach Biełarusi mastaki art-supolnaści Urban Myths stvarajuć u partniorstvie z bankam. Praź pieraasensavańnie historyi i falkłoru aŭtary imknucca stvarać vyjavy, jakija b natchniali biełarusaŭ ruchacca napierad, abapirajučysia na bahaty kulturny bekhraŭnd krainy. Murał na bulvary Leninskaha kamsamoła taksama źjaviŭsia ŭ ramkach hetaha prajekta.

Murał na bulvary Leninskaha Kamsamoła ŭ Hrodnie. Fota ad Aleha Łaryčava, krynica: Urban Hrodna
Murał «Letucieńniki» ŭ Mazyry. Aŭtar Hleb Kaštanaŭ. Fota: mustact.by
Murał «Vytoki» ŭ Połacku. Aŭtar Hleb Kaštanaŭ. Krynica fota: «Viciebskija vieści»
Murał «Adradžeńnie» ŭ Babrujsku. Aŭtar Jaŭhien Sasiura. Fota: mustact.by
Murał «Prastora natchnieńnia» ŭ Viciebsku. Aŭtar Hleb Kaštanaŭ. Fota: mustact.by
Murał «Šlach da mary» ŭ Pinsku. Aŭtar Jaŭhien Sasiura. Fota: mustact.by

Urban Myths (raniej Signal) — supolnaść i centr padtrymki vuličnych mastakoŭ, jaki imkniecca da palapšeńnia haradskoj prastory ŭ Biełarusi i pavyšeńnia aktyŭnaści haradžan. Z 2013 hoda jon kuryruje stvareńnie manumientalnych mastackich rośpisaŭ biełaruskimi i zamiežnymi mastakami. Prajekty Urban Myths rehularna traplajuć u mižnarodnyja ahlady najlepšaha suśvietnaha stryt-artu. Supolnaść isnuje z 2011 hoda, pravodzić akcyi MustAct-MustArt. Za ŭvieś čas z prajektam pracavaŭ 31 mastak. Jany stvaryli kala 50 bujnych vyjaŭ u Minsku, Rahačovie, Mazyry, Pinsku i inšych haradach.

Kamientary3

  • Lola Firsovna Sołomončik
    29.08.2022
    Pro kochanije, eto chorošo.
  • dzička Maksa Dyzajniera
    29.08.2022
    pryhožyja murały. pa-dobramu zajzdrošču.

    bo ŭ našym rajončyku ŭ hetym hodzie taksama źjaviŭsia mura... na tarcy šmatpaviarchovika ŭviersie vialiki (to bok na ŭvieś tarec) čyrvona-zialony fłah karava namalavali. nu peŭna "dyzajniery" z žkch, a chto jašče?
    kazali mnie, što dzieści siarod tych damoŭ (heta novyja damy) miantoŭski dom... peŭna jon i jość. a moža i nie adzin. bo tam ceły kvartał čyrvona-zialonych damoŭ. ja šče z sumam žartavała, jak ich farbavali - o. heta mnie "na radaść" peŭna. dyk mała taho - na tabie šče j hihancki antydyzajnierski fłah
  • dzička Maksa Dyzajniera
    30.08.2022
    ja raskazvała... kali čas padyjšoŭ małomu ŭ sadok iści (a my ŭstali ŭ čarhu pa sadzik ad naradžeńnia, jak maje być) i voś, jak čas padyjšoŭ, my pajšli ŭ tyj sadok, da jakoha byccam by zamacavanyja byli... a nam takija, jak apošni arhumient - vaš muž milicyjanier?
    - kaniečnie nie, - kažu
    - nu značyć daśvidańnia

Rasijski šachied vybuchnuŭ za 55 km ad Babrujska15

Rasijski šachied vybuchnuŭ za 55 km ad Babrujska

Usie naviny →
Usie naviny

Maładoj ajcišnicy pahražaje da dziesiaci hadoŭ kałonii za achviaravańni Ukrainie7

Pamior Michaił Vierhiejenka1

Łatvija choča naohuł zabaranić mašynam ź biełaruskimi numarami pierasoŭvacca pa krainie8

Viciebskaja siamja znajšła źnikłaha svajaka praz 25 hod1

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva5

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva

Hałoŭnaje
Usie naviny →