Ministerstva antymanapolnaha rehulavańnia i handlu pravieryła 137 punktaŭ pa handli školnymi tavarami. U niekatorych znajšli parušeńni, maksimalnyja nacenki.
U 32 punktach handlu znajšli parušeńni.
Mieli miesca vypadki pieravyšeńnia handlovaj nadbaŭki ŭ pamiery da 46,2% na pančošna-škarpetkavyja vyraby dla dziaciej i abutak da 68,8% (praduhledžana patrabavańniami narmatyŭnaha pravavoha akta — nie bolš za 30%).
U MARH taksama adznačyli, što nievykanańnie rekamiendavanych viedamstvam handlovych nadbavak było vyjaŭlenaje ŭ asobnych indyvidualnych pradprymalnikaŭ.
Tak, naprykład, dapuščanaja realizacyja zaplečnikaŭ, partfielaŭ, rancaŭ z handlovaj nadbaŭkaj — da 470%, abutku dla dziaŭčynak — da 207%, štanoŭ, kašul, pinžakoŭ, kašul dla chłopčykaŭ — da 83%, błuzak i spadnic dla dziaŭčynak — da 68%.
MARH nie ŭdakładniaje, dzie mienavita byli takija nacenki.
Da asob, jakija dapuścili parušeńni, buduć užytyja miery administracyjnaj adkaznaści ŭ adpaviednaści z zakanadaŭstvam. Za parušeńnie ŭstanoŭlenych hraničnych nadbavak na fizičnuju asobu nakładajecca štraf u pamiery da dvaccaci bazavych vieličyń, na indyvidualnaha pradprymalnika abo jurydyčnuju asobu — u dvuchrazovym pamiery ad sumy zavyšeńnia cany.
18-hadovaja dziaŭčyna źniała videa ŭ tyktoku, imavierna, pra svajho chłopca-milicyjanta — jaje zatrymali za niepavahu da orhanaŭ8
Kamientary