U lipieni, jak vyśvietliŭ Office Life, zasnavany Mikałajem Vierabjom alternatyŭny naftatrejdar «Novaja naftavaja kampanija» pradaŭ svajo smalenskaje padraździaleńnie rasijaninu. A jašče raniej siamja Aleksinych pazbaviłasia ad aktyvaŭ u Łatvii.
Kampanija «NNK Uschod», jakaja pavinna była dapamahać «Novaj naftavaj kampanii» pradavać naftapradukty praz rasijskija party, ciapier naležyć hramadzianinu RF Barysu Kazko.
«NNK Uschod», u svaju čarhu, adkrytaja ŭ kancy 2020 hoda ŭ Smalensku «Novaj naftavaj kampanijaj» dla realizacyi biełaruskich naftapraduktaŭ na ekspart. Pa vynikach minułaha hoda jaje vyručka skłała zvyš $40,7 młn. U žniŭni minułaha hoda «NNK Uschod» razam z matčynaj kampanijaj była ŭklučanaja ŭ sankcyjny śpis ZŠA.
Kiraŭnik siamji Alaksiej Aleksin uvajšoŭ u kapitał hetych pradpryjemstvaŭ razam ź Juryjem Čyžom u 2008 hodzie. Mamas D vypuskała bijapaliva, častka ź jakoha realizoŭvałasia ŭ ES. U 2011-2012 hadach kampanija źjaŭlałasia najbujniejšym biznesam Daŭhaŭpiłsa. Na Latgales Alus D partniory znoŭku zapuścili vytvorčaść piva.
Uletku minułaha hoda na fonie sankcyj, uviedzienych ZŠA ŭ dačynieńni da baćki i jaho kampanij, Dźmitryj Aleksin staŭ adnaasobnym uładalnikam doli siamji. Ale, jak akazałasia, paźniej vyjšaŭ ź ich.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary