Financial Times: Jeŭrasajuz skasuje sproščanuju vydaču viz dla rasijan, adnosna Biełarusi kansensusu niama
Brytanskaje vydańnie Financial Times sa spasyłkaj na troch čynoŭnikaŭ Jeŭrasajuza raskazała, što ministry zamiežnych spraŭ ES, chutčej za ŭsio, padtrymajuć češskuju prapanovu nakont skasavańnia sproščanaha paradku vydačy viz hramadzianam Rasii. Pra kančatkovaje rašeńnie majuć paviedamić padčas dvuchdzionnaj sustrečy ministraŭ u Prazie 30—31 žniŭnia.
Kali Jeŭrasajuz sapraŭdy skasuje pahadnieńnie, to rasijanam daviadziecca płacić 80 jeŭra konsulskaha zboru zamiest ciapierašnich 35, a taksama daviadziecca daŭžej čakać viz.
U Jeŭrasajuzie chacieli b pajści dalej za heta ŭ pytańni viz dla rasijan, ale ŭ Brusieli niama adzinstva adnosna poŭnaha spynieńnia vydačy dla ich viz.
Taksama niama kansensusu adnosna pašyreńnia vizavych sankcyj suprać Biełarusi, raskazvaje brytanskaje vydańnie sa spasyłkaj na jeŭrapiejskich čynoŭnikaŭ.
Niekatoryja krainy, jak Hiermanija, vystupajuć suprać poŭnaha vizavaha banu dla Rasii — chočuć bolš vybaračnaha padychodu. Ale asobnyja krainy ŭžo spynili vydaču viz rasijanam, choć šenhienskaja damova pracuje tak, što kali adna kraina nie vydaje vizy rasijanam, a inšaja vydaje, to pieršaja abaviazanaja ŭpuścić čałavieka ź vizaj ad druhoj.
Najbolšyja prychilniki zabarony vydačy viz rasijanam — krainy, jakija majuć miažu z Rasijaj: Polšča, Litva, Łatvija, Estonija i Finlandyja.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary