Hramadstva88

Jak skłaŭsia los siłavikoŭ, što dušyli narod u 2020 hodzie

Juryj Karajeŭ, Ivan Kubrakoŭ, Mikałaj Karpiankoŭ, Valeryj Vakulčyk… Dva hady tamu proźviščy hetych ludziej stali sinonimami žachlivaj niespraviadlivaści ŭ Biełarusi. 

Hvałt u dačynieńni da prostych ludziej padčas mirnych akcyj 2020 hoda spryčyniŭsia da karjernaha rostu mnohich topaŭ siłavoha błoka krainy. Adnak chapała i advarotnych situacyj. 

«Naša Niva» daśledavała losy ludziej, jakija kryvavymi radkami pisali historyju Biełarusi.

Juryj Karajeŭ

u žniŭni 2020-ha — ministr unutranych spraŭ

U śniežni 2019-ha siłavik zajaŭlaŭ, što milicyja budzie pazbaŭlacca imidžu karnaha orhana. Adnak usiaho praz paŭhady pradstaŭniki jaho viedamstva zatrymlivali, źbivali dy katavali ŭdzielnikaŭ pratestu, što sam Karajeŭ paćviardžaŭ.

Što paśla?

U kastryčniku 2020-ha straciŭ pasadu dy pajšoŭ na panižeńnie — jak pamočnik Łukašenki byŭ pryznačany inśpiektaram pa Hrodzienskaj vobłaści.

Ivan Kubrakoŭ

u žniŭni 2020-ha — načalnik Hałoŭnaha ŭpraŭleńnia ŭnutranych spraŭ Minharvykankama

Fota: pres-słužba Savieta Respubliki

Kiraŭnik staličnaj milicyi ŭžo napačatku leta 2020-ha apraŭdvaŭ žorstkija zatrymańni minčukoŭ ich ahresiŭnymi pavodzinami. Apoviedy pra bojki, jakija haradžanie mielisia naładzić albo pravakavali, pierapaŭniali dziaržaŭnyja telekanały. Adpaviedna, padčas žnivieńskich padziej Kubrakoŭ nie chistaŭsia pry abrańni mietadaŭ padaŭleńnia pratestaŭ.

Što paśla?

Aktyŭnaść hałoŭnaha milicyjaniera stalicy nie zastałasia pa-za ŭvahaj Łukašenki. Kubrakoŭ atrymaŭ pasadu ministra ŭnutranych spraŭ paśla zvalnieńnia Karajeva. Na jej ža siłavik siońnia i pracuje, chacia ŭžo niekalki razoŭ traplaŭ pad žorstkuju krytyku Łukašenki. Pry Kubrakovie publikavalisia źlivy razmoŭ siłavikoŭ i była ŭzłamana baza «Pašpart». 

Mikałaj Karpiankoŭ

u žniŭni 2020-ha — načalnik Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj

U šklanych dźviarach kaviarni na praśpiekcie Pieramožcaŭ uvasobilisia ŭsie pakuty biełarusaŭ ad hvałtoŭnych dziejańniaŭ Karpiankova. Siłavik prapanoŭvaŭ razdavać latalnuju zbroju družyńnikam dy pahražaŭ raspravaj usim, chto «piarojdzie miažu dazvolenaha». Tady jak padčas pratestaŭ uvohule adrynuŭ usie čałaviečnaje — zhadać chacia b zakliki fizična kalečyć pratestoŭcaŭ dy stralać pa ich z traŭmataŭ.

Što paśla?

U listapadzie 2020-ha Karpiankoŭ zrabiŭ krok uvierch pa karjernaj leśvicy: staŭ namieśnikam ministra MUS i kamandujučym unutranymi vojskami, atrymaŭ zvańnie hienierała. «My anioły na ziamli, jakija sa zbrojaj abaraniajuć radzimu i prostych ludziej», — upeŭnieny siłavik.

Valeryj Vakulčyk

u žniŭni 2020-ha — staršynia Kamiteta dziaržaŭnaj biaśpieki

Biez udziełu KDB u krainie nie adbyvajecca ni adno stratehična važnaje karnaje mierapryjemstva. Tamu i zatrymańnie «na apiaredžańnie» samych aktyŭnych kandydataŭ u prezidenty, i siłavyja apieracyi na vulicach Minska prachodzili ź viedama Vakulčyka. Tym bolš što na pasadzie ŭ toj momant jen pracavaŭ užo amal vosiem hadoŭ

Što paśla?

U Vakulčyku mahli pabačyć adnaho ź vinavatych u tym, što pratesny ruch sfarmiravaŭsia dy nabraŭ moc. Tamu ŭžo na pačatku vieraśnia siłavik byŭ vyzvaleny z pasady dy pryznačany ŭ dziaržsakrataryjat Savieta Biaśpieki krainy. Adnak jašče praz try tydni Vakulčyk źlacieŭ i adtul. Jaho novym abaviazkam stała inśpiekcyja Bresckaj vobłaści ŭ jakaści pamočnika Łukašenki. Chacia jon, u adroźnieńni ad Karajeva, na publicy amal nie źjaŭlajecca.

Ivan Cierciel

u žniŭni 2020-ha — staršynia Kamiteta dziaržaŭnaha kantrolu

BiełTA

Čałaviek ź vielizarnym vopytam pracy ŭ KDB na pačatku leta 2020-ha atrymaŭ pasadu staršyni Dziaržkantrolu. Tym nie mienš jon usie roŭna sprabavaŭ dapamahać uładzie. Naprykład, u jakaści parłamienciora — na tym ža «Naftanie» jen vystupaŭ praz tydzień paśla vybaraŭ dy imknuŭsia śćvierdzić lehitymnuju pieramohu Łukašenki.

Što paśla?

Kadebešnaja chvatka siłavika zhadałasia Łukašenkam tak ža chutka, jak i narastała masavaść pratestaŭ. Tamu 3 vieraśnia 2020-ha Cierciel viarnuŭsia ŭ zvykłaje viedamstva, ale ŭžo ŭ statusie kiraŭnika. Paśla čaho represiŭnaja mašyna pačała pracavać na ŭzmocnienych abarotach. Da taho ž KDB piermanientna rapartavaŭ pra paśpiachovyja śpiecapieracyi z zatrymańniami ludziej: to ŭskryvalisia tajniki z vybuchoŭkaj, to hłušylisia «na apiaredžańnie» masavyja akcyi.

Ivan Naskievič

u žniŭni 2020-ha — staršynia Śledčaha kamiteta

Mienavita vusnami Naskieviča aficyjnaja biełaruskaja ŭłada pryznałasia ŭ zabojstvie Alaksandra Tarajkoŭskaha. Viersija, jakuju ahučyŭ staršynia Śledčaha kamiteta, kaniešnie, nijakakaj krytyki nie vytrymlivała. Ale hałoŭnaja vysnova była biassprečnaj — i de-jure zafiksavała złačynstva z boku dziaržavy. Taksama Naskievič razam z padnačalenymi kuryravaŭ spravy «ekstremisckaj nakiravanaści» — i tolki ŭ sakaviku 2021-ha davieŭ ich kolkaść amal da dźviuch z pałovaj tysiačaŭ.

Što paśla?

Zachoŭvaŭ pasadu da sakavika 2021 hoda. Nakolki viadoma, viedamstva Naskieviča pryniała da razhladu fakty katavańniaŭ na Akreścina ŭ adpaviednaści sa skarhami paciarpiełych. Adnak kali staršynia SK padniaŭ hetaje pytańnie na naradzie siłavikoŭ, adrazu byŭ zvolnieny. Ciapier biespracoŭny.

Alaksandr Barsukoŭ

u žniŭni 2020-ha — namieśnik ministra MUS, načalnik milicyi hramadskaj biaśpieki

Mienavita jon paśla vybaraŭ zajaŭlaŭ, što anijakich ździekaŭ dy katavańniaŭ nad zatrymanymi na Akreścina nie było. Chacia ŭžo na toj momant chapała śviedčańniaŭ hvałtu z boku siłavikoŭ. Da taho ž Barsukoŭ skiravaŭ minskuju milicyju na dapamohu kamunalnym słužbam pa začystkach mikrarajonaŭ ad pratesnaj simvoliki.

Što paśla?

U listapadzie 2020-ha byŭ zvolnieny Łukašenkam z pasady. Aficyjnaja farmuloŭka: «pa ŭzroście». Adnak Barsukoŭ u praŭładnaj sistemie zastaŭsia, bo pierakvalifikavaŭsia ŭ pamočniki Łukašenki pa Minsku.

Viktar Chrenin

u žniŭni 2020-ha — ministr abarony

Čałaviek, jaki staviŭ znak roŭnaści miž bieł-čyrvona-biełym ściaham dy paniaćciem «fašyzm», adrazu ž z pačatkam pratestaŭ akreśliŭ svaju pazicyju. Pa jaho zahadzie vajskoŭcy ačaplali stełu «Minsk — horad-hieroj» dy ciahnuli tam kalučy drot. Da taho ž Chrenin źviartaŭsia da vajaroŭ z patrabavańniem vykonvać zahady hałoŭnakamandujučaha, navat kali toj budzie patrabavać stralać u ludziej.

Što paśla?

Zachavaŭ pasadu pa siońnia. A svaju sutnaść jarčej za ŭsio znoŭ prademanstravaŭ u lutym 2022-ha. Za dva dni da ŭvarvańnia Rasii va Ukrainu Chrenin davaŭ sakrataru ŭkrainskaha Savieta nacbiaśpieki Daniłavu słova aficera dy hienierała, što napadu z boku Biełarusi nie budzie, a paśla zaklikaŭ da kapitulacyi Ukrainy.

Andrej Švied

u žniŭni 2020-ha — kiraŭnik kamiteta sudovych ekśpiertyz

Samy viadomy epizod karjery Švieda da padziej 2020-ha — terakt u staličnym mietro. Mienavita jon u statusie namieśnika hienieralnaha prakurora ŭznačaliŭ apieratyŭnuju śledčuju hrupu pa raśledavańni złačynstva. Toje, ź jakoj chutkaściu byli vykryty vykanaŭcy, vyklikała ŭ hramadstvie šmatlikija pytańni. Adnak ni Švied, ni jaho kalehi tady nie dali na ich hruntoŭnych adkazaŭ.

Što paśla?

Razmova pra Švieda aktualna ŭ kantekście pratesnych padziej z-za jaho pryznačeńnia ŭ vieraśni 2020-ha. Z nastupleńniem vosieni Švied zaniaŭ pasadu hienieralnaha prakurora. Švied vystupiŭ ź inicyjatyvaj jak maha bolš žorstka karać za pašyreńnie ekstremisckich pohladaŭ dy simvoliki. A taksama krytykavaŭ kaleh za vałakitu pry razbory palityčnych spraŭ. Vidavočna, što z takoj zaŭziataściu ŭ staŭleńni da zmahańnia z apazicyjaj Švied zachavaŭ pasadu i pa siońnia.

Hladzicie taksama:

Rasija pakvapiłasia na niezaležnaść Biełarusi. Čamu dziaržaŭnyja ŚMI nie zastupilisia za krainu? VIDEA

Łukašenka i jaho prapahandysty chvalać devalvacyju. Čakajecca novy abvał rubla?

Kamientary8

  • daviedka
    26.08.2022
    Kstati, po upomianutomu v koncie vidieo hienprokuroru Šviedu i jeho bratu v poślednieje vriemia vyšła sierija hromkich žurnalistskich rasśledovanij o mutnych schiemach pri postavkach miedtiechniki, kotoryje priamo siejčas tŝatielno izučajet KHK...
  • Haspadynia
    26.08.2022
    A kakije statnyje i krasivyje!I dietki fsie za hranicaj!Toža krasivyje!Nastajaŝeje pałkovniki!Mira, ŝaścia im v dom!Zavistniki zamałčycie!
  • čisto ta
    27.08.2022
    nu dyk skazaŭ ža dniami niechta tam - "lubov, čistota, priezidient"

Bajden vychodzić z prezidenckaj honki38

Bajden vychodzić z prezidenckaj honki

Usie naviny →
Usie naviny

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi

USU nanieśli ŭdar pa vajskovym aeradromie ŭ Rastoŭskaj vobłaści1

Niemiec, prysudžany da rasstrełu, datyčny da dyviersij? Voś što za historyja heta mahła być9

U ZŠA vyzvalili žančynu, jakaja adsiadzieła 43 hady ni za što2

Paśla ŭrahanu biełarusy padali bolš za 10 tysiač zajavak u Biełdziaržstrach1

bolš čytanych navin
bolš łajkanych navin

Bajden vychodzić z prezidenckaj honki38

Bajden vychodzić z prezidenckaj honki

Hałoŭnaje
Usie naviny →