Hałoŭnaha redaktara «Narodnych navinaŭ Viciebska» Siarhieja Sierabro vyklikali ŭ HUBAZiK
Pra heta jon sam paviedamiŭ na svajoj staroncy ŭ fejsbuku.
Žurnalist napisaŭ:
«Vyklikali ŭ HUBOP pa padziejach 2020 hoda. Bolš pakul ničoha nie viedaju».
U kastryčniku 2020 hoda Siarhieja Sierabro, a taksama inšych viciebskich žurnalistaŭ Taćcianu Maćviejevu i Alesia Pileckaha milicyjanty zatrymlivali dla prafiłaktyčnaj hutarki. Tady žurnalisty mielisia aśviatlać mirnaje šeście ŭ Viciebsku, ale zamiest taho apynulisia ŭ adździele ŭnutranych spraŭ Pieršamajskaha rajona. Pavodle słoŭ Siarhieja Sierabro, nijakich pretenzij u milicyjantaŭ tady nie było.
Praciahu hetaja historyja tady nie mieła. Što da inšych kaleh, jakija razam ź Siarhiejem Sierabro trapili ŭ milicyju ŭ kastryčniku 2020-ha, to fatohraf Aleś Pilecki daŭno pakinuŭ Biełaruś, a žurnalistku Taćcianu Maćviejevu jakraz ciapier sudziać pa administracyjnaj spravie.
U lutym hetaha hoda Siarhieja Sierabro znoŭ zatrymlivali ŭ Viciebsku, milicyjanty cikavilisia, ci źbirajecca jon udzielničać u antyvajennych pratestach. Paźniej jaho vyzvalili biez składańnia pratakoła.
Hetym razam Siarhiej Sierabro taksama paśpiachova vyjšaŭ z HUBAZiKa, napisaŭšy ŭ sacsietkach:
«Ja na svabodzie. Usio norm. Nijakich ekscesaŭ nie było. Daŭ «objaśnienije», jak aśviatlaŭ padziei 2020-ha».
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki31
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1717
Kamientary