Śviet44

«Važki mesedž padtrymki». Zialenski raskazaŭ pra vyniki pieramovaŭ z Erdahanam

Prezidenty Ukrainy Uładzimir Zialenski i Turcyi Redžep Taip Erdahan praviali siońnia pieramovy ŭ Lvovie. Padčas sustrečy baki abmierkavali šerah aktualnych pytańniaŭ, u pryvatnaści jadzierny šantaž Rasii i ŭdaskanaleńnie zbožžavaj inicyjatyvy. Pra heta paviedamiŭ prezident Uładzimir Zialenski ŭ telehramie.

«Vizit Prezidenta Turcyi va Ukrainu — važki miesedž padtrymki z boku takoj mahutnaj krainy. Padčas sustrečy ŭ Lvovie my abmierkavali z Redžepam Taipam Erdahanam mahčymaść udaskanaleńnia zbožžavaj inicyjatyvy, situacyju vakoł Zaparožskaj AES i jadzierny šantaž z boku akupantaŭ, maštabny kradziež Rasijaj zbožža na časova akupavanaj terytoryi Ukrainy. Taksama zakranuli pytańniaŭ abaronnaha ŭzajemadziejańnia», — paviedamiŭ Zialenski.

Zialenski ŭpeŭnieny, što dalejšaje pašyreńnie supracoŭnictva pamiž Ukrainaj i Turcyjaj uzmocnić abodva baki.

Akramia taho, u Lvoŭ siońnia prybyŭ i hienieralny sakratar AAN Antoniu Huteryš, ź jakim u prezidentaŭ byli zapłanavanyja trochbakovyja pieramovy. Jany adbylisia ŭ zakrytym režymie i praciahvalisia 40 chvilin. Paviedamlałasia, što na sustrečy buduć abmiarkoŭvacca kroki, jakija možna zrabić dla spynieńnia ŭkrainska-rasijskaj vajny dypłamatyčnym šlacham.

Napiaredadni ŭkrainski vajskovy ekśpiert Aleh Ždanaŭ vykazaŭ zaniepakojenaść, što hetaja sustreča moža być nie na karyść Ukrainy, pakolki sieści za stoł pieramovaŭ prosta ciapier — rasijski płan.

«Paviercie, pieršaj umovaj hetych pieramovaŭ budzie časovaje spynieńnie ahniu. Jak kažuć, niama ničoha bolš pastajannaje, čym časovaje. Rasija budzie sprabavać «zastałbić» tyja dasiahnieńni, jakija ŭ ich jość na siońniašni dzień», — prahnazavaŭ ekspert.

Na dumku Ždanava, hienieralny sakratar AAN uvohule zajmaje bok Pucina i zacikaŭleny ŭ «tavarna-hrašovych ździełkach» pa zbožžy. «U Redžepa Erdahana svaje vidy na hetuju vajnu. U jaho svaje damoŭlenaści z Rasijaj. Jon nie ŭvodzić sankcyi suprać Rasii, jany sustrakalisia [z Pucinym] 5 žniŭnia ŭ Sočy i pra niešta damovilisia», — nahadaŭ jon.

Zakliki da pieramirja z Rasijaj Ždanaŭ nazvaŭ «niebiaśpiečnaj situacyjaj». «Ja tak razumieju, prezidenta Zialenskaha buduć ŭhavorvać padpisać mir z Rasijaj. Na tych umovach, jakija vyłučaje RF», — dadaŭ ekśpiert. Jon taksama źviarnuŭ uvahu na toje, što ŭ dadzienych pieramovach nie ŭdzielničajuć ES i ZŠA, što «naściarožvaje». 

Kamientary4

  • rom
    18.08.2022
    Nu nie ekśpiert žie budiet vojevať.. a ukraincam pohibať… tak čto kto čju storonu vybieriet?
  • Hadia
    18.08.2022
    Vadia, komu čto, a łukašistam vsio nie dajut pokoja to jajca, to trusy
  • Ŭ
    18.08.2022
    Nu i dobra. Čakajem sajuz z Azierbajdžanam.

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →