Hramadstva2424

«Ja chaču bačyć ruskuju movu, a nie pšeckuju łacinku». Buchhałtarka z rajcentra zmahajecca suprać biełaruskaj łacinki

Užo kala miesiaca pa roznych praŭładnych i prarasijskich telehram-kanałach hulaje adno i toje ž paviedamleńnie pra toje, što treba zabaranić i prybrać z usich hramadskich miescaŭ biełaruskuju łacinku. Daviedalisia, chto ŭziaŭsia heta rabić.

Prykład abjavy

Zryvała bieła-čyrvona-biełyja ściahi ŭ padjezdach, skardziłasia, što siabry adviarnulisia

Adkaznaść za zmahańnie ź biełaruskaj łacinkaj na siabie ŭziała Julija Dudarenka. Joj 38 hadoŭ, jana rodam sa Stoŭbcaŭ, pracavała buchhałtarkaj spačatku ŭ Departamiencie achovy MUS, a paśla ŭ pary inšych dziaržaŭnych ustanoŭ. 

Fota: sacsietki

Šlach u praŭładny aktyvizm dla Julii pačaŭsia ź siaredziny vieraśnia 2020 hoda — tady jany z mužam upieršyniu paŭdzielničali ŭ praŭładnym aŭtaprabiehu. Z hetaha času jany nieadnarazova jeździli tudy, jak i na akcyi kala HC «Śpiektr» va Uruččy.

Julija z mužam padčas aŭtaprabiehu 3 kastryčnika 2020 hoda. Fota: kiraŭnica praŭładnaj arhanizacyi «Patryjoty Biełarusi» Hanna Charuta

Akramia hetaha, jana vielmi aktyŭnaja ŭ roznych čatach. Tam žančyna dzialiłasia ŭražańniami z prabiehaŭ i raspaviadała pra toje, jak źniščała biełaruskuju simvoliku ŭ svaim padjeździe.

U kamientarach Julii čytałasia bolej sumu, čym nianaviści. Jana pieražyvała, što za jaje pohlady ad jaje adviarnulisia niekatoryja siabry i svajaki, złavałasia na pasiŭnaść praŭładnaha łahiera.

Dachodziła navat da kramolnych dumak.

U studzieni 2021 hoda ŭ dvarovy čat vykłali fota jaje z mužam paśla praŭładnaha prabiehu, što pradkazalna nie dadało joj lubovi da prychilnikaŭ źmienaŭ i zrabiła jaje pohlady, zdajecca, bolš radykalnymi.

Adnojčy Julija niejkim čynam natknułasia na kanał «infakazački» Volhi Bondaravaj. I viektar jaje zmahańnia kruta źmianiŭsia.

Bondarava i jaje «pastva»

Bondarava ŭjaŭlaje ciemrašalskuju płyń prarasijskich aktyvistaŭ u Biełarusi, jakija zmahajucca suprać usiaho biełaruskaha i taho, što sami advolna vyznačajuć jak zachodniaje. Jany nie zmahajucca suprać prydumanaha i častkova kiravanaha Zachadam internetu ci technałohij mabilnaj suviazi, ale vydumlajuć «zachodnija» naratyvy tam, dzie ich faktyčna niama (skažam, ličać «zachodnimi prydumkami» chatni hvałt i karanavirusnyja abmiežavańni).

Bondarava metanakiravana prasoŭvaje svajoj aŭdytoryi patrebnyja joj naratyvy i sprabuje abjadnać vakoł siabie najbolš radykalnych prarasijskich aktyvistaŭ (prarasijskija aktyvisty z kamandy Łušča jaje nie lubiać), fanataŭ SSSR i amataraŭ roznych teoryjaŭ zmovaŭ. Vakoł jaje kanała skłałasia asiarodździe, jakoje pastajanna bačyć «bečebešnuju i zachodniuju ahienturu» ŭ roznych halinach ułady i stavić sabie za metu jaje pieramahčy.

Akramia inšaha, Bondarava naładžvaje suviazi z adnadumcami siarod miascovych uładaŭ i siłavikoŭ. Jaje kryvažernyja dopisy pra toje, što treba ŭsich biaźlitasna karać, rehularna repościać kanały ź sietki, kiravanaj HUBAZiKam.

Bondarava taksama pomślivaja. Kali joj niechta nie spadabaŭsia ci krytykuje jaje, to jana budzie zmahacca ź im da kanca. «Puł Bondaravaj» zaciata atakuje mienš radykalnych praŭładnych aktyvistaŭ — błohiera Alaksieja Holikava, niekatorych čalcoŭ praŭładnaha Sajuza błohieraŭ i navat «Biełuju Ruś».

Dzieści ŭ krasaviku 2021 hoda Julija dałučajecca da čataŭ vakoł Bondaravaj. Tut jana praciahvaje zmahańnie — tolki ŭžo z tym, z čym prapanuje zmahacca «infakazačka». I dapamahaje šukać «niapravilnych» ludziej i mierapryjemstvy.

Da prykładu, u hetym paście Bondaravaj bačna, što dasłała jaho joj mienavita Julija.

Źviarnicie ŭvahu na podpis u vierchnim levym kucie

Julija aktyŭna padtrymlivała taksama admovu ad abaviazkovych pryščepak i našeńnia masak.

A taksama vystupała za zabaronu arhanizacyj, u naźvie ci statutnych dakumientach jakich było słova «hiendar». Choć hetyja arhanizacyi zmahalisia suprać chatniaha hvałtu.

Akramia ŭsiaho inšaha, u hetych čatach vystupajuć suprać «ličbavizacyi» žyćcia i adukacyi: niekatoryja ŭ hetym bačać «padkopy satanistaŭ», inšyja — ruku zahadkavaha Zachadu.

Kampanija suprać biełaruskaj łacinki

Adnym z pradmietaŭ nianaviści Bondaravaj źjaŭlajecca biełaruskaja mova. Jana šlacham roznych manipulacyjaŭ zdoleła pierakanać svaich prychilnikaŭ u tym, što biełaruskaja łacinka — heta vialikaje zło. Arhumienty takija: jana addalaje nas ad Rasii, na joj pisaŭ «polski fašyst Kalinoŭski», a jašče jana prynižaje ruskamoŭnych hramadzian.

Čynoŭniki na zvaroty prychilnikaŭ admieny łacinki raniej nie reahavali — chutčej za ŭsio, nie praz pryncypovuju pazicyju, a praź niežadańnie vydzialać na heta hrošy ŭ niaprosty dla biudžetu čas. Bo heta ž nie žart — źmianić šyldy ź biełaruskaj łacinkaj va ŭsioj krainie.

Paśla hetaha prychilniki Bondaravaj pačali vialikuju kampaniju suprać biełaruskaj łacinki na vulicach (zhadvańnie jaje znajšłosia bolš čym u tryccaci roznych praŭładnych i prarasijskich čatach). Kaardynataram vystupiła akurat Julija Dudarenka. Voś jaje dopisy z čataŭ.

Praŭda, nie viadoma, ci budzie kampanija mieć pośpiech, bo pakul što anijakich stanoŭčych vynikaŭ jana nie dała.

«Naša Niva» — bastyjon biełaruščyny

PADTRYMAĆ

Čytajcie jašče:

Ukaraniajecca ŭ biełaruskija arhanizacyi jak juryst, pierasyłaje infarmacyju Lebiedzievaj. Dziŭnaja dziejnaść Mantasa Danielusa

«Možna prosta piačy bułki». Vysokapastaŭleny vykanaŭca represij uvieravaŭ u Boha i syšoŭ ź milicyi

Siamja Vaskrasienskaha jedzie ŭ adpačynak — nie pa Biełarusi i nie ŭ Rasiju

Kamientary24

  • Anton
    24.08.2022
    Ničoha nie źmianiajecca: moj dzied koliś kazaŭ, što za łukašenku tolki ruskija. Jak bačym tak jano było ŭ pačatku, tak jano i jość zaraz.
  • Satan
    24.08.2022
    @Buchhałtarka z rajcentra@ v principie dalšie možno i nie čitať. Oni tam "prohrammista" zovut raskładku pierieklučiť. A biełaruskaja łatinica dla nich eto ž vaŝie strašniej, čiem prieispodniaja, možiet i mozk vzorvaťsia ot napriažienija. U nas v Adu dažie otdielnaja skovoroda jesť dla buchhałtierš iz rajcientrov
  • Žieleznyj Drovosiek
    24.08.2022
    Adno im imia—navałač. (Lit.)
    Prijatno smotrieť, kak podychajet samaja p₽skudnaja iz vsiech Ymperyj , kak sokraŝajetsia čisło poleznych idiotov—podobno šahrienievoj kožie. jabaťki, daražeńkija, vam nie kažietsia —vas diejstvitielno kritičieskoje mieńšinstvo, kotoroje iz vsiech sił poddierživajet odutłovatyj vietšajuŝij kołchoźnik. Poniatno, čto pod strachom rieprieśsij adiekvatnoje bolšinstvo mołčit. I ždiot. I vot kohda nastupit vriemia Č, vy mhnovienno v etom ubieditieś,vspomnitie chotia by,skolko ludiej było voźle Stiełły.
    Tolko tohda vsie obuv śnimali. A vot tiepieŕ vsie sdiełali pravilnyje vyvody,i obuv nikto śnimať nie budiet. Kak i dohovarivaťsia s sadistami...

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Śviatłana Cichanoŭskaja sustrełasia z Emanuelem Makronam10

Eks-premjer Siarhiej Rumas źjaviŭsia na pachavańni Vierhiejenki FOTAFAKT6

Ryžankoŭ: U mianie i babula, i mama byli čystymi polkami52

Pucin prapanavaŭ Iranu rekordnyja abjomy rasijskaha hazu sa źnižkaj 75%4

Lidar čempijanatu Biełarusi vylecieŭ ź niatopavaha jeŭrakubka ŭžo na pieršaj stadyi kvalifikacyi

U Pinsku piensijanier uciakaŭ ź miesca ŭčynienaha im najezdu i pa darozie padbiŭ jašče dźvie mašyny

Viadomy błohier nabyŭ kvateru ŭ Polščy — voś jak heta ŭ jaho atrymałasia20

Bajden moža vyjści z vybarnaj honki ŭžo na hetyja vychadnyja12

Minski chirurh vydaŭ zbornik esteckaj prozy. Tak pa-biełarusku raniej nie pisali

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →