Maržycha Freja adpačyvaje na prahułačnym katary

Maržycha Freja adpačyvaje na prahułačnym katary

Maržysie vahoj kala 600 kh dali imia Freja ŭ honar skandynaŭskaj bahini kachańnia. Raniej jaje zaŭvažali ŭ Vialikabrytanii, Šviecyi, Danii i Niderłandach, a ŭ siaredzinie lipienia jana prypłyła da bierahoŭ narviežskaj stalicy Osła i pieryjadyčna zabirałasia na prahułačnyja katary i łodki, kab tam paspać. Ale z-za vialikaj vahi maržychi łodki časta pierakulvalisia.

Freja stała nastolki papularnaja, što vydańnie Verdens Gang navat raźmiaściła na svaim sajcie žyvuju tranślacyju pra žyćcio maržychi. I da niadaŭniaha času ŭłady nie płanavali ŭmiešvacca ŭ situacyju, jašče ŭ kancy lipienia Upraŭleńnie rybałoŭstva Narviehii adznačała dobraje samaadčuvańnie žyvioliny. Ale praviły parušyli ludzi…

Miascovym žycharam pradpisvali nie padychodzić da maržychi blizka, bo moža spałochacca i napaści. Adnak ludzi hetaje pradpisańnie nie vykonvali.

Freja załazić na łodku

Freja załazić na łodku

Na minułym tydni Upraŭleńnie rybałoŭstva Narviehii apublikavała fatahrafiju vialikaj hrupy ludziej, u tym liku dziaciej, jakija stajać na adlehłaści vyciahnutaj ruki ad žyvioły, što padviarhała ŭsich — i ludziej, i maržychu — niebiaśpiecy. Jak paviedamlajuć miascovyja ŚMI, adnojčy palicyja pierakryła miesca dla kupańnia paśla taho, jak maržycha zahnała žančynu ŭ vadu.

Upraŭleńnie rybałoŭstva Narviehii apublikavała zdymak natoŭpu ludziej, jakija stajać u niebiaśpiečnaj blizkaści ad žyvioliny. Tvary schavanyja ŭ metach zachavańnia tajamnicy pryvatnaha žyćcia

Upraŭleńnie rybałoŭstva Narviehii apublikavała zdymak natoŭpu ludziej, jakija stajać u niebiaśpiečnaj blizkaści ad žyvioliny. Tvary schavanyja ŭ metach zachavańnia tajamnicy pryvatnaha žyćcia

U vyniku ŭ niadzielu dyrektar Upraŭleńnia rybałoŭstva Frank Baka-Jensen zajaviŭ, što ŭ suviazi z «zachavańniem pahrozy biaśpiecy čałavieka» žyviolinu ŭsypili.

«Padčas nazirańniaŭ na miescy na minułym tydni stała zrazumieła, što hramadskaść praihnaravała rekamiendacyju trymacca na biaśpiečnaj adlehłaści ad marža. Takim čynam, Upraŭleńnie pryjšło da vysnovy, što vierahodnaść patencyjnaj škody dla ludziej vysokaja, a dabrabyt žyvioliny znachodzicca pad pahrozaj», — havorycca ŭ zajavie Baka-Jensena.

Čynoŭnik dadaŭ, što ŭłady razhladali i inšyja varyjanty — naprykład, pieramiaścić Freju ź fijorda, adnak adkinuli ich, bo sumniavalisia, što žyviolina dobra prystasujecca da novaha asiarodździa.

Baka-Jensen zapeŭniŭ, što eŭtanazija žyvioliny była praviedzienaja humanna, a cieła dastaŭlenaje vieterynaram dla dalejšaha vyvučeńnia.

Maržy — vid žyvioł, jakija achoŭvajucca, i pieravažna žyvuć na poŭnačy, u Arktycy. Zvyčajna na ludziej jany nie napadajuć, za redkimi vyklučeńniami. 

Клас
4
Панылы сорам
29
Ха-ха
0
Ого
4
Сумна
78
Абуральна
50