Stała viadoma, jakija impartazamiaščalnyja prajekty buduć realizavany za košt kredytnych resursaŭ Rasii i chto atrymaje hrošy
Rasija vydzielić $1,5 młrd na ŭdzieł Biełarusi ŭ prahramach impartazamiaščeńnia. Premjer-ministr Biełarusi Raman Hałoŭčanka raskazaŭ, jakija impartazamiaščalnyja prajekty buduć realizavany za košt kredytnych resursaŭ RF, paviedamlaje BIEŁTA.
«Ciapier urady adpracoŭvajuć dva napramki. Pieršy — niepasredna kredytnaje pahadnieńnie, umovy pradastaŭleńnia resursaŭ. Druhoje — pieralik prajektaŭ, jakija buduć realizoŭvacca, u tym liku z pryciahnieńniem hetych srodkaŭ. U pradukcyi, jakaja budzie vypuskacca pa hetych prajektach, jość vysokaja patrebnaść i ŭ biełaruskich, i ŭ rasijskich vytvorcaŭ. Mienavita pa hetym krytery vyznačany pieršyja try prajekty», — skazaŭ Raman Hałoŭčanka.
Pieršy ź ich — vytvorčaść śvietłavoha abstalavańnia dla aŭtamabilnaj techniki. Prajekt budzie realizavany ŭ Rudensku na bazie adnaho z pradpryjemstvaŭ. Tam budzie vypuskacca śviatłodyjodnaja optyka dla ŭsich vidaŭ transpartnych srodkaŭ.
Druhi prajekt — stvareńnie tarmaznych sistem.
Treci — kolcaraskatnaja vytvorčaść, jakaja patrebnaja dla aŭtaprama. Jaho budzie realizoŭvać BiełAZ na bazie adnaho z pradpryjemstvaŭ u Aršanskim rajonie.
«Jość ceły puł prajektaŭ, jaki płanujecca realizavać na bazie «Amkadora», dadaje BIEŁTA.
Hałoŭčanka taksama prakamientavaŭ temu ŭpakoŭki dla małaka i adznačyŭ nieabchodnaść zaniacca ŭłasnaj vytvorčaściu anałaha tetrapaka.
«My nie možam vypuścić svoj ajfon». Što ź impartazamiaščeńniem?
Sudziać hiendyrektara BiełAZa. Pahražaje da 15 hadoŭ7
Kamientary