Urad źbirajecca rabić u Baranavičach «Vialiki Kamień» dla biełaruskich pradprymalnikaŭ
Pra płany stvaryć u Baranavičach ilhotnuju ekanamičnuju zonu na ŭzor «Vialikaha Kamienia» ŭ Smalavickim rajonie raskazaŭ siońnia premjer-ministr Raman Hałoŭčanka.
Pa słovach Hałoŭčanki, u horadzie budzie stvorana placoŭka, na jakuju inviestar moža pryjści prosta z abstalavańniem. Usio astatniaje budzie zabiaśpiečana dziaržavaj.
«Dziaržava ŭkładziecca ŭ stvareńnie śpiecyjalnaj placoŭki z usimi nieabchodnymi kamunikacyjami: vada, elektraenierhija, haz, ačyščalnyja zbudavańni. Faktyčna heta budzie čystaja placoŭka, kudy čałaviek zmoža pryjści sa svaim abstalavańniem i pačać adrazu pracavać. Heta važna, bo navat uzhadnieńnie prajektnaj dakumientacyi na padvod zajmaje dosyć šmat času», — skazaŭ premjer.
Placoŭka budzie pryznačacca dla biełaruskich pradprymalnikaŭ, jakija zmohuć atrymać tut padatkovyja lhoty.
«Hetuju placoŭku zrobim pryvabnaj za košt stvareńnia tam asablivaha režymu. Heta budzie niejki anałah kitajska-biełaruskaha industryjalnaha parku «Vialiki Kamień», tolki dla biełaruskich pradprymalnikaŭ. Słovam, nievialikaja industryjalnaja zona», — dadaŭ Hałoŭčanka.
Hałoŭčanka dapuściŭ, što prajekt moža być realizavany ŭ ramkach dziaržaŭna-pryvatnaha partniorstva, kali kamunikacyjami zajmajecca inviestar, jaki potym zdaje abstalavanyja miescy ŭ arendu pradprymalnikam. Ciapier u Biełarusi pracuje siem svabodnych ekanamičnych zon i dźvie asablivyja ekanamičnyja zony («Vialiki Kamień» i PVT). Taksama lhoty dajucca rezidentam zony «Bremina-Orša».
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary