Amierykanski akcior Styvien Sihał naviedaŭ kałoniju dla ŭkrainskich vajennapałonnych u Alenaŭcy na Danieččynie, dzie niadaŭna byŭ pry dziŭnych abstavinach razburany adzin z barakaŭ, padčas čaho zahinuli bolš za paŭsotni čałaviek. Pra vizit Sihała ŭ Alenaŭku paviedamiŭ prapahandyst Uładzimir Sałaŭjoŭ u svaim tielehram-kanale.
Sihału pakazali ŭ tym liku «askiepki amierykanskich rakiet, jakija paćviardžajuć dačynieńnie Kijeva da masavaha zabojstva ŭłasnych vajskoŭcaŭ», zajaviŭ Sałaŭjoŭ.
Jak paviedamiŭ paśla kiraŭnik samaabvieščanaj «DNR» Dzianis Pušylin, Sihał nibyta zajmajecca zdymkami dakumientalnaj stužki pra padziei ŭ Danbasie, i dziela taho mieŭ znosiny z vajennapałonnymi ŭ Alenaŭskim SIZA.
9 žniŭnia kałoniju ŭ Alenaŭcy taksama naviedaŭ lidar ŁDPR Leanid Słucki. Razam ź im, pavodle jaho słoŭ, pryjechała «kamanda abjektyŭnych mižnarodnych ekśpiertaŭ» ź jeŭrapiejskich krain, Nikarahua i KNDR.
Padčas vybuchu, jaki adbyŭsia ŭ adnym z barakaŭ Alenaŭskaj kałonii 29 lipienia, zahinuli 53 ukrainskija vajepałonnyja, bajcy pałka «Azoŭ». Rasijski bok śćviardžaje, što barak abstralali ŭkrainskija rakiety, ale ŭkrainski heta abviarhaje. Pavodle źviestak ukrainskich i zachodnich ekśpiertaŭ, trahiedyja zdaryłasia nie z-za abstrełu zvonku, a z-za termabaryčnaha vybuchu znutry.
Kamientary
«kamanda abjektyŭnych mižnarodnych ekśpiertaŭ» ź jeŭrapiejskich krain, Nikarahua i KNDR. i inš.
tusiacca z-za hrošaŭ
a biednaja Ukraina stradajet. i stradajet biednyj ukrainskij prostoj narod
a praŭdy my chutčej za ŭsio tak i nie daznajemsia. jak nie daznalisia, chto zabiŭ Šeremieta, chto pakłaŭ niabiesnuju sotniu na Majdanie, chto źbiŭ samalet... i h.d.
ale muž ličyć, što rasiejcam nievyhodna było ich zabivać, naadvarot. što zabili svaje ž, kab tyja ničoha nie raskazali... šče raz paŭtaru - heta tolki viersija. i praŭdy my nie daznajemsia. va ŭsiakim razie pakul