Leta — najlepšy čas dla vychadu sieryjała adpaviednaj tematyki nakštałt «Kurorta» (Resort). Tym bolš, što jaho stvaralniki, stryminhavy servis Peacock, padyšli da spravy niebanalna: dadali da kurortnaj atmaśfiery zabłytanaje złačynstva i niečakanyja pavaroty siužeta.
Da niejkaha momantu «Kurort» vyhladaje ekranizacyjaj lohkaha ramana nakštałt tych, jakija tak pryjemna čytać na plažy ŭ šezłonhu. Pierad nami dva hałoŭnyja hieroi, Ema i jaje muž Noa, jakija pryjazdžajuć u luksavy mieksikanski hatel na adpačynak, kab dać svajmu šlubu druhoje dychańnie, piša rogerebert.com.
Hetyja dvoje sutykajucca z historyjaj takich ža turystaŭ, jakija źnikli ŭ tym ža rehijonie 15 hadoŭ tamu, i stvaralniki «Kurorta» znachodziać sposab raskazać hetuju historyju vielmi zabłytanym i tajamničym čynam.
Zamiest vyraznaha siužeta ŭ hetym sieryjale nam čaściej prapanujuć padkazki, tajamnicy dy ŭspaminy. U pieršych sieryjach Ema i Noa raskazvajuć pra dvuch maładych ludziej, što źnikli ŭ Mieksicy šmat hadoŭ tamu. Ema znachodzić telefon adnaho sa źnikłych, Sema. Hety mabilny raniej nie bačyli śledčyja, i jon źviazvaje Sema ź inšaj źnikłaj, Vajalet, jakaja taksama adpačyvała ŭ tym ža hateli ŭ 2007 hodzie i taksama źnikła padčas mocnaha ŭrahanu.
Ema vielmi žadaje vyśvietlić, što zdaryłasia z Semam i Vajalet. Jana raskazvaje mužu pra svaje znachodki, a potym jany razam vyvučajuć naviny i paviedamleńni ŭ telefonie Sema, kab zrazumieć karcinu padziej.
Detektyvam-amataram, u jakich pieratvarylisia Ema i Noa, davodzicca šmat času pravieści la zakinutaha hatela Oceana Vista Resort. Tam jany znajomiacca z Baltazaram Fryasam i Łunaj, ludźmi, jakija viedajuć zahadkavyja sakrety hetaha miesca. Jany pracavali na byłoha ŭładalnika Oceana Vista Resort, ekscentryčnaha Aleksa, pakul urahan nie źniščyŭ hatel 15 hadoŭ tamu.
«Kurort» prymušaje zadavać usio bolš pytańniaŭ i nie daje spynić prahlad paśla adnoj sieryi.
Heta šou, nie padobnaje ni na što inšaje, i hladzieć sieryjał davoli cikava, tym bolš što jaho stvaralniki šmat uvahi nadajuć detalam. Ema i Noa pahłyblajucca ŭ historyju Sema, Vajalet i kurorta, jaki nibyta ich prahłynuŭ, a sieryjał tym časam raskryvaje sumnuju realnaść ich šlubu i toje, što napieradzie ich moža čakać niešta bolš vialikaje, čym možna siabie ŭjavić.
Rejtynhi na vialikich suśvietnych resursach:
IMDB — 7,1/10,
Rotten Tomatoes — 86%.
Film tydnia: «Minułaj nočču ŭ Socha». Čamu jaho varta pahladzieć
Film tydnia: «Paralelnyja maci». Novaja stužka Almadovara, jakoj 9 chvilin apładziravali u Vieniecyi
Što pahladzieć. «Źmiej u Eseksie» — kachańnie, tajny i viktaryjanski nastroj ad Kłer Dejns
Palitviazień pravioŭ paŭtara hoda ŭ SIZA — voś jak jon vyhladaŭ paśla hetaha11
Kamientary