Za kamientar pa «spravie Zielcera» žychara Čerykava asudzili da 3,5 hadoŭ kałonii
Homielski abłasny sud vynies rašeńnie pa spravie Ivana Jančanki, jakoha abvinavacili ŭ raspalvańni rasavaj, nacyjanalnaj, relihijnaj abo inšaj sacyjalnaj varožaści pavodle č. 1 art. 130 KK. Sudovaje pasiadžeńnie ŭznačaliŭ Alaksiej Chłyščankoŭ, paviedamlaje «Viasna».
Mužčynu abvinavacili ŭ tym, što ŭ vieraśni 2021 hoda ŭ «VKontaktie» pad paviedamleńniem pra pierastrełku, u vyniku jakoj zahinuli supracoŭnik KDB Fiedasiuk i ajcišnik Andrej Zielcer, jon pakinuŭ nastupny kamientar: «Narod otkrył sčiet». Paśla hety kamientar traktavali jak «zaklik da baraćby z pravaachoŭnymi orhanami».
Zhodna ź viersijaj abvinavačvańnia, «hetaje paviedamleńnie raspalvała ahresiŭnaść internet-karystalnikaŭ, hieraizavała dziejańni terarysta, jaki zabiŭ supracoŭnika KDB. Akramia taho, jano źmiaščała ŭchvaleńnie i prapahandu ŭzbrojenaha supracivu pradstaŭnikam ułady i pravaachoŭnikam Biełarusi, raspalvańnie nianaviści, sacyjalnaj varožaści».
Kamientary