Čatyry fihuranty spravy Aŭtuchoviča zajavili pra pahrozu ich žyćciu i zdaroŭju
U pieradadzienym na volu zvarocie jany pajmienna nazvali adkaznych za heta siłavikoŭ. Zvarot padpisali Uładzimir Hundar, Halina Dzierbyš, Volha Majorava i Iryna Mielchier, paviedamlaje telehram-kanał «Pozirk».
«My zajaŭlajem ab rezkim uzmacnieńni fizičnaha i psichałahičnaha cisku na bolšaść abvinavačanych pa kryminalnaj spravie №20125030489 (t. zv. «sprava hrupy Aŭtuchoviča»). Vidavočny poŭny razvał abvinavačvańnia, i sistemie nie zastajecca ničoha inšaha, jak uzmacnić represii», — havorycca ŭ dakumiencie.
Va ŭmovach pahrozy ich žyćciam i zdaroŭju padsudnyja pryniali rašeńnie nazvać imiony ludziej, jakich jany ličać vinavatymi:
— pałkoŭnik KDB Varaniecki A. I.,
— śledčyja Cierašonak P. D., Hałavač A. Ja., Łaŭrančuk, Hierasimovič,
— sudździa Fiłataŭ M,
— prakurory Rabaŭ U., Hierasimienka Ł.,
— načalnik turmy №1 Kazakoŭ P. i. namieśnik načalnika turmy Stanieŭski S. M., načalnik režymnaha adździeła Koršunaŭ V. V.
Fihuranty spravy vierać, što «ŭ novaj svabodnaj Biełarusi» dziei zhadanych ludziej «buduć acenienyja narodam i pravasudździem».
***
Sud nad vaŭkavyskim pradprymalnikam Mikałajem Aŭtuchovičam prachodzić u hrodzienskaj turmie №1. Razam ź im sudziać 11 čałaviek. Ułady abviaścili Aŭtuchoviča arhanizataram i kiraŭnikom «terarystyčnaj hrupoŭki», jakaja dziejničała na terytoryi Hrodzienskaj vobłaści i nibyta padpalvała aŭtamabili i damy supracoŭnikaŭ milicyi.
Udzielniki «hrupy» abvinavačvajucca pa 15 artykułach Kryminalnaha kodeksa, Aŭtuchovič — pa 10 artykułach.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary