Finski hieohraf stvaryŭ interaktyŭnuju kartu miescaŭ naradžeńnia viadomych ludziej. Vyniki časam ździŭlajuć
Finski hieohraf Topi Čžukanaŭ (Topi Tjukanov), jaki pracuje ŭ Mapbox, stvaryŭ interaktyŭnuju kartu, na jakoj pakazaŭ, jakija ŭradžency bujnych i małych haradoŭ usich krain ličacca najbolš viadomymi ŭ śviecie.
U vizualizacyi Čžukanava pradstaŭlenyja roznyja ŭpłyvovyja ludzi z samych raznastajnych halin dziejnaści, uklučajučy kulturu, navuku, palityku i sport. Imiony, jakija majuć bolš bujnoje napisańnie, znachodziacca vyšej u rejtynhu.
Pry naciskańni na imia ŭspłyvaje akno, u jakim paznačanaje miesca čałavieka ŭ rejtynhu, poł i źviestki pra toje, ci žyvy jon jašče.
Dla svajoj karty Čžukanaŭ vykarystaŭ źviestki daśledčykaŭ, apublikavanyja ŭ červieni 2022 hoda. Kab vyjavić samych znakamitych ludziej śvietu, analityki vyvučyli infarmacyju z najbolš abjomnych i dastupnych baz — «Vikipiedyi» i «Vikiźviestak».
Pry składańni rejtynhu ŭličvałasia niekalki pakazčykaŭ, u tym liku kolkaść słoŭ va ŭsich dastupnych bijahrafijach taho ci inšaha čałavieka, siaredniaja kolkaść prahladaŭ bijahrafii va ŭsich moŭnych raździełach «Vikipiedyi» ŭ pieryjad z 2015 pa 2018 hod, kolkaść u artykułach źniešnich spasyłak z «Vikiźviestak».
U vyniku daśledčyki ŭklučyli ŭ svoj śpis samych viadomych ludziej 2,3 miljona čałaviek.
Pry hetym najbolš viadomyja ŭradžency haradoŭ dla śvietu mohuć značna adroźnivacca ad ujaŭleńniaŭ samich žycharoŭ hetych haradoŭ, bo niaredka viadomymi jany stali zusim nie na radzimie, a byvaje, što i ŭvohule nazaŭsiody pakinuli jaje ŭ dziciačym uzroście.
Tak, samym viadomym uradžencam Minska ličycca narviežski śpiavak Alaksandr Rybak, Bresta — izrailski palityk Mienachiem Biehin, Hrodna — himnastka Volha Korbut, Viciebska — nobieleŭski łaŭreat pa fizicy Žares Ałfioraŭ, Mahilova — navukoviec Ota Šmit, a Homiela — apošni kiraŭnik paŭstańnia ŭ Varšaŭskim hieta Mark Ejdelman.
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami2
Kamientary