Mierkavańni1111

«Franak unikalny čałaviek, jon litaralna naradziŭsia ŭ čanie sa zmaharskim ziellem». Ivan Šyła — pra Franaka Viačorku

Franaka Viačorku ciapier mnohija nie lubiać, a niekatoryja navat prapanujuć adpravić jaho ŭ Manholiju. Nieafitam moža zdacca, što Franak źjaviŭsia ŭ 2020-m i ŭpieršyniu apynuŭsia ŭ takoj situacyi. Heta nie tak, piša ŭ Tvitary były hramadski dziejač, a ciapierašni paśpiachovy pradprymalnik Ivan Šyła, čyj udzieł u apazicyjnym palityčnym žyćci išoŭ peŭny čas paralelna ź Viačorkavym. 

Viadoma, Franaka zaŭsiody łajali za toje, što jon byŭ lidaram Moładzi BNF, a jaho baćka lidaram darosłaha BNF. Ale nie tolki. Naprykład, u 2007-m hodzie, kali jon vyjhraŭ na źjeździe arhanizacyi, jon dazvoliŭ sabie nadrukavać kalarovuju prahramu-spravazdaču.

Darečy, voś jana. U 2007-m hodzie dyzajn, palihrafija i padobnyja rečy nie isnavali dla ŭnutranych dakumientaŭ arhanizacyj i partyj. Tak było nie pryniata, jakaść i srodki pavinny byli iści na baraćbu, tamu prahramka Franaka šakavała ludziej. Heta abmiarkoŭvali ŭ «Žyvym žurnale»!

Ale ŭ ŽŽ abmiarkoŭvali nie tolki heta! Tam była cełaja supolnaść «Hłamur-zmahar», i hałoŭnym hierojem publikacyj taksama byŭ Franak. A ŭsio tamu, što ŭ adnym ź intervju jon paličyŭ kolkaść svaich halštukaŭ (ich akazałasia kala 40), i značnaja častka ź ich była ružovaha koleru.

U siaredzinie dziasiatych zvyčajny moładzievy lidar nie moh sabie takoha dazvolić, a ružovy koler… Tak, my nie bačyli i nie mahli sabie ŭjavić, što ž budzie ŭ 2020-m.

Naohuł, adnoj z hałoŭnych pretenzij u aktyvistaŭ inšych ruchaŭ było toje, što zmahajemsia my, a kino zdymajuć pra Franaka. Heta zbolšaha praŭda, prynamsi pra kino. Filmy pra Franaka vychodzili zaŭsiody, pačynajučy z začynienaha Liceja, Płoščy-2006 i viadoma, pra słužbu ŭ vojsku.

Jak ža jaho łajali za hety film z nazvaj «Žyvie Biełaruś». I što naohuł — čamu tolki pra jaho, i što tam usio nie tak, i što pierakručana.

Ale kali troški pra słužbu Franaka ŭ vojsku, to heta realnaje kino. Čaho vartaja historyja pra toje, što jon, byŭšy sałdatam i palitpryzyŭnikom, bałatavaŭsia ŭ deputaty! Jaho adpuskali na sustrečy z vybarščykami, jon pravodziŭ mitynhi (!), a potym viartaŭsia ŭ kazarmu.

Pahladzicie hetaje videa. Realna tak prafiesijna nichto nie rabiŭ (i anhlijskija subtytry, viadoma).

Tak, i jašče Franak arhanizoŭvaŭ ahučku filmaŭ na biełaruskaj movie, pradziusavaŭ muzyčnyja albomy i dapamahaŭ z vypuskam knih. Realna nichto ŭ toj čas u moładzievym apazicyjnym asiarodździ nie zajmaŭsia takoha rodu prajektami. Ci heta nie nahoda dla nielubovi?

Nie lubili jaho i za pafas: praŭda, biez žartaŭ. Naprykład, u intervju «NN» jon raspaviadaŭ, što padčas pieršaj emihracyi vielmi sumavaŭ pa Biełarusi i prychodziŭ na Varšaŭski vakzał, kab dakranucca da minskaha ciahnika. Nu jak zmahar moža być takim sientymientalnym?

Ci voś pra tuju ž spravazdaču ŭ kolery, tam byli takija słovy: «Apošni hod ja pražyŭ na siadzibie BNF. Prychodziŭ ranicaj, viečaram vyhaniali sakratarki», «Niama takoj spravy, dzie b ja nie spryčyniŭsia… Tak, prychodzicca mała spać, kab usio heta paśpiavać».

Blin, treba skazać, što intervju toje było z nahody taho, što Franak staŭ Čałaviekam hoda pa viersii «Našaj Nivy». Pryčyna — vyšymajki. Tak, za ich jamu taksama dastałasia, bo ideju nibyta skrali va ŭkraincaŭ.

A potym Franak staŭ karalom novych miedyja. I pastajanna publikavaŭ spravazdačy, jak kłasna pracuje «Radyjo Svaboda» ŭ sacsietkach. Heta taksama nie vyklikała šmat radaści ŭ inšych žurnalistaŭ. Choć heta ŭžo śviežaja i niadaŭniaja historyja. Zusim chutka zdarycca 2020-y.

Jak vy pravilna zrazumieli, heta chutčej kamplimientarny tred. Franak unikalny čałaviek, jon litaralna naradziŭsia ŭ čanie sa zmaharskim ziellem, u miedyja z 10 hadoŭ i zaŭsiody byŭ u topie ŭ kožnaj svajoj śfiery (jak liceist, aktyvist, pradziusar, žurnalist, student i ciapier — daradca/palityk).

Kamientary11

  • Poŭny
    31.07.2022
    U karala ščočki užo ŭ abjektyŭ nie lezuć) čakajem audyt
  • daviedka
    31.07.2022
    Sovietnik pri babie... Zamietiat nastojaŝije mužiki.
  • Tvar
    31.07.2022
    Poŭny, zrabicie lepiej audyt vašaha ciozki papa i jaho kantorki pad šyldaj “dom miłasernaści”. A potym audyt biźniesu siamiejki.

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →