Słužba biaśpieki Ukrainy apublikavała pierachop razmovy pra trahiedyju ŭ Alenaŭcy
Słužba biaśpieki Ukrainy apublikavała pierachop razmovy asob z rasijskaha boku, u jakoj havorka idzie pra načnyja padziei ŭ kałonii ŭ Alenaŭcy Danieckaj vobłaści, padčas jakich zahinuli dziasiatki vajennapałonnych z pałka «Azoŭ». Rasijski bok imkniecca ŭsio heta zvalić na ŭkrainskija abstreły, ale pierachoplenaja razmova i inšyja materyjały heta nie paćviardžajuć.
Adzin z surazmoŭcaŭ u apublikavanaj razmovie kaža pryblizna nastupnaje:
«Jany sami ŭ*bali kazarmu. Tam było kala 200 čałaviek, učora ich pierasialili na pramzonu i zrabili typu kazarmy. Charakternych hukaŭ prylotaŭ nie było. Heta ŭsio padstrojena, chutčej za ŭsio. I jašče było try streły aŭtamatnych, a potym pažar i h. d. Jany, chutčej za ŭsio, zakłali vybuchovaje prystasavańnie. Prylotaŭ nie było».
Daradca kiraŭnika Ofisa prezidenta Ukrainy Alaksiej Arastovič, u svaju čarhu, paviedamlaje ŭ svaim telehram-kanale:
«Śpiecyjalisty-piratechniki, analizujučy rasijskaje videa z Alenaŭki, kažuć, što karcina bolš padobnaja na padryŭ rečyva z vysokaj tempieraturaj hareńnia ŭsiaredzinie samoha budynka, čym na vynik abstrełu.
Papiarednie, heta nie stolki (ci nie tolki) abstreł, kolki — padobna na sprobu prybrać ślady złačynstva paśla padziej, jakija adbylisia ŭ budynku.
Adna z hałoŭnych prykmiet — ludzi ŭ budynku nie raskidanyja jak ad vybuchu, a padobna, što abhareli cieły ludziej, jakija ŭžo byli miortvyja na momant pačatku pažaru».
«Jeździli-jeździli, a potym ich nie vypuścili». Biełarusy sutykajucca ź jašče adnym vidam represijaŭ3
Kamientary