Hramadstva1212

Novy mitrapalit paniziŭ Fiodara Poŭnaha da klučara. Sam Poŭny: Adkryjcie Vikipiedyju! Mianie pavysili! 

Jak stała viadoma «Našaj Nivie», straciŭ pazicyi Fiodar Poŭny, jakoha nazyvali «duchaŭnikom Łukašenki». Papiaredni mitrapalit Pavieł z Poŭnym prosta vajavaŭ. A voś Vienijamin prydumaŭ chitry chod. Łukašenka za byłoha favaryta nie ŭstupiŭsia. 

Skrynšot ź videa

Fiodar Poŭny — upłyvovy śviatar, sakratar i pamočnik Mitrapalita Fiłareta, paśpiachovy biznesmien ź vialikimi ambicyjami. Jamu adzinamu sa śviataroŭ dazvolili pabudavać pałacyk u elitnym kvartale Drazdoŭ.

U svoj čas ambicyi Poŭnaha sutyknulisia z supraćdziejańniem Maskvy — patryjarch Kirył nie daviaraŭ Poŭnamu. Pastaŭleny ŭ Biełaruś mitrapalit Pavieł uvajšoŭ ź im u adkrytuju kanfrantacyju i pryludna abiacaŭ «posadiť etoho žirnoho popa» — jamu zdavałasia śmiešnym žartam takoje pierakručvańnie proźvišča z adsyłkaj da salidnaha bahaćcia Poŭnaha. 

Pavieł adpraŭlaŭ u maskoŭski Sinod skarhi na Poŭnaha, pisaŭ na jaho zajavy ŭ biełaruskija orhany, ale niepataplalny Poŭny zachoŭvaŭ svaje pazicyi, dziakujučy nabližanaści da Łukašenki. 

Niemały dom ajca Fiodara Poŭnaha ŭ Drazdach. 

Jak tłumačać «Našaj Nivie» znajomyja ź situacyjaj dziejačy carkvy, paśla adstaŭki mitrapalita Paŭła (jaki, niečakana dla ŭsich, prajaviŭ čałaviečuju pazicyju padčas teroru suprać niazhodnych z falsifikacyjami na vybarach) i pryznačeńnia mitrapalita Vienijamina (Vitala Tupieki) na pasadu patryjaršaha ekzarcha Poŭny spačatku ŭmacavaŭ svoj upłyŭ. 

Ale paśla mitrapalit Vienijamin pajšoŭ na chitraść: svaim ukazam jon pieratvaryŭ Usichśviacki chram u Sabor, jakim, pavodle kanonaŭ, moža kiravać tolki pradstaŭnik čornaha duchavienstva, manach.

Fiodaŭ Poŭny — pradstaŭnik biełaha duchavienstva, žanaty śviatar. U chramie, jaki jon budavaŭ, pieściŭ i ličyŭ svaim, Poŭnamu było prapanavana zastacca klučarom. 

Jak možna mierkavać pa infarmacyi na sajcie Minskaj jeparchii, Poŭny z hetaj prapanovaj vymušany byŭ pahadzicca. Ciapier jon klučar. 

Heta pasada ŭ chramie pravasłaŭnaj carkvy, jakuju možna paraŭnać z namieśnikam nastajaciela — klučar kiruje inšymi śviatarami ŭ miežach pastaŭlenych nastajacielem zadač. 

Pasadu klučara taksama možna paraŭnać ź dziejnaściu namieśnika pa finansavych pytańniach. U vypadku Poŭnaha heta taki pasył: kiruj finansami, ale va ŭładu nie leź. 

Klučar pavinien uzhadniać z kiraŭnikom chrama dziejańni: u taho i piačatki, i podpisy. 

Pry hetym Poŭny zachoŭvaje mahčymaść praciahvać vieści biznes u «Domie miłasernaści», jaki, pa sutnaści, ujaŭlaje saboj miedycynskuju kliniku płatnych pasłuh, dzie vialikuju častku raboty robiać carkoŭnyja vałanciory. 

Łukašenka nie staŭ umiešvacca ŭ razborki ŭnutry biełaruskaj carkvy. 

Na sajcie minskaj jeparchii nie ŭkazana imia novaha nastajaciela Usichśviackaha chrama. Imavierna, heta sam patryjaršy ekzarch Vienijamin. 

Sam Fiodar Poŭny ŭ adkaz na zvanok žurnalistaŭ ścisła adkazaŭ, što «vy čudaki», «ničoha nie razumiejecie». 

«Usie sprabujuć situacyju niejak vyviernuć, pakpić, chto jak. A vy, miž tym, adkryjcie Vikipiedyju: klučar — heta pamočnik ekzarcha ŭ chramie! Pry čym tut «panizili»? Vy nie tak usprymajecie ŭsio, niama nijakaj prablemy, heta vysmaktana z palca, ludzi nie razumiejuć, što takoje klučar, tolki kažuć, nie razabraŭšysia. Adkryjcie Vikipiedyju! Staŭ jašče vyšej!» — skazaŭ Poŭny. 

Ale papularnaja dumka ŭ pravasłaŭnych kołach supraćlehłaja. 

«Tak, pryniziŭ, — paćvierdziŭ «Našaj Nivie» pravasłaŭny śviatar. — Heta pry tym, što Poŭny vielmi byŭ rady, što źniali Paŭła, i jaŭna spadziavaŭsia na značnuju pasadu. Naprykład, daŭno svabodnaja vakansija kiraŭnika spraŭ. Ale Vienijamin daŭ jamu niejkuju levuju pasadu kiraŭnika novaha adździeła pa pracy z VNU i źniaŭ jaho z nastajacielstva u jaho kazyrnym chramie».

«Naša Niva» — bastyjon biełaruščyny

PADTRYMAĆ

Źviazacca z aŭtaram možna ŭ telehramie pa niku @artsiom_harbatsevich ci praz mejł [email protected]

Kamientary12

  • Durny Mužyk
    31.07.2022
    Duchoŭnik Łukašenki - heta śmiešna kaniešnie
  • Only business
    31.07.2022
    U siemiejki jesť svoj karmannyj pop-biźniesmien, on žie klučnik (sohłasno Vikipiedii), on žie vładielec kliniki «Dom miłosierdija», on žie vładielec doma v Drozdach, on žie letajem s siemiejkoj na jeje biźnies džietach v zahraničnyje pojezdki.
  • Astałop
    31.07.2022
    Nu, paviesili dy j paviesili, z kim nie byvaje.

Rasijski šachied vybuchnuŭ za 55 km ad Babrujska3

Rasijski šachied vybuchnuŭ za 55 km ad Babrujska

Usie naviny →
Usie naviny

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

Što adbyvajecca z klimatam? Takaja śpioka letam budzie zaŭsiody?6

Biełarusa zatrymali paśla adpačynku ŭ Italii3

«Vyjšli chłopčyki z čamadančykami». Lidar hurta RSP raskazaŭ, jak Łukašenka pryjazdžaŭ na zdymačnuju placoŭku5

Respublikanskaja partyja aficyjna vyłučyła Trampa kandydatam u prezidenty ZŠA9

U Kabardzina-Bałkaryi biełarus sarvaŭsia sa skały2

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami źbirajecca ŭvieści Litva

Ad zaŭtra abmiežavańni na ŭjezd aŭto ź biełaruskimi numarami źbirajecca ŭvieści Litva

Hałoŭnaje
Usie naviny →