Daradca kiraŭnika Chiersonskaj vobłaści patłumačyŭ, navošta USU bjuć pa mastach
Voś što Siarhiej Chłań napisaŭ u fejsbuku: «Antonaŭski most byŭ klučavym elemientam zabieśpiačeńnia rasijskich vojskaŭ praź Levabiarežža [Dniapra]. U toj ža čas Uzbrojenyja siły Ukrainy ŭskładniajuć šlachi zabieśpiačeńnia i Pravabiarežža.
Siońnia ranicaj, jak zvyčajna, z chirurhičnaj dakładnaściu vajskoŭcy nanieśli ŭdar pa Darjeŭskim moście praź Inhulec. Heta praciah apieracyi pa adklučeńni chiersonskaj hrupoŭki rasijan ad zabieśpiačeńnia.
Kožny most źjaŭlajecca słabym miescam u łahistycy. Heta jašče nie vyzvaleńnie Chiersona, ale surjoznyja padrychtoŭčyja kroki ŭ hetym kirunku.
Hetyja ŭdary demanstrujuć hałoŭnaje — my adychodzim ad savieckaj armii, jakaja šturmuje harady, niahledziačy na razbureńni i straty.
My stanovimsia zachodniaj armijaj. Armijaj, jakaja abaraniaje žyćcio svaich sałdat i vykarystoŭvaje stratehiju niepramych dziejańniaŭ. Heta značyć my «źmiakčajem» abaronu praciŭnika, źniščajučy apieratyŭny tył, biez čaho piaredniaja linija razburajecca navat ad niaznačnaha ŭdaru.
Biezumoŭna, heta było b niemahčyma biez zachodniaj zbroi. HIMARS i našy chłopcy i dziaŭčaty z Uzbrojenych sił — vydatnaje spałučeńnie».
Taksistam u Minsku paviedamili, što ŭ dzień vybaraŭ nie budzie internetu13
Kamientary