Hramadstva22

«Mianie abšukali ŭ 8:30 ranicy». Były pres-sakratar chakiejnaha «Dynama» paraŭnaŭ, jak hladziać sport prezident Litvy i Łukašenka

Raman Šaŭcoŭ, jaki da žniŭnia 2020-ha pracavaŭ u pres-słužbie minskaha «Dynama», a paśla byŭ vymušany źjechać z krainy, zhadaŭ pracoŭnyja dni, kali na «Minsk-Arenu» pryzdžaŭ Łukašenka, i paraŭnaŭ heta z tym, jak Hitanas Naŭsieda hladzieŭ futboł u Vilni.

Pryvodzim dopis Šaŭcova ŭ błohu na «Trybunie» za skaračeńniami.

Paru dzion tamu «Žalhirys» ź Vilni hulaŭ u kvalifikacyi futbolnaj Lihi čempijonaŭ suprać šviedskaha «Malmio».

Kamandzie ŭdałosia paradavać hledačoŭ — u tym liku dziejnaha i lehitymnaha prezidenta Litvy Hitanasa Naŭsiedu. Pra toje, što jon znachodzicca na matčy, ja daviedaŭsia absalutna vypadkova.

Voś jon na fotazdymku. Bačycie?

Heta navat nie VIP-łoža. I choć u hety siektar kłub, chutčej za ŭsio, vydavaŭ zaprašeńni, fakt znachodžańnia prezidenta siarod zvyčajnych zaŭziataraŭ krychu ździŭlaje mianie, biełarusa. Ja tak nie pryvyk.

Niazvykła prychodzić na futboł i bačyć zvyčajny (chłop-chłop pa kišeniach, «dziakuj, prachodźcie») dahlad. Niazvykła, kali na navakolnych damach niama snajpieraŭ. Niazvykła bačyć na trybunach zaŭziataraŭ, jakija nie nosiać u kišeni paśviedčańnie tavaryša majora. I jakija, kaniečnie, zusim nie vydajuć siabie adnolkavymi pryčoskami dy pozirkami.

Paru hadoŭ tamu ja byŭ na matčy kijeŭskaha «Dynama», kudy zazirnuŭ prezident Ukrainy Piotr Parašenka. Situacyja taja ž: dahlad ničym nie adroźnivaŭsia ad inšych hulniaŭ, uzmocnienaha naradu palicyi nie nazirałasia. Zaŭziatary navat dazvolili sabie abśvistać prezidenta, kali taho abjavili.

A jak u Biełarusi?

U mianie jość siabar, ź jakim my časta chadzili na futboł ci chakiej u Minsku. I voś my ź im časam pisali adzin adnamu «zdajecca, na hety matč ja nie pajdu» — kali pa niejkich uskosnych prykmietach stanaviłasia zrazumieła, što na hulniu pryjedzie Łukašenka.

U 2010-ch Łukašenka rehularna naviedvaŭ hulni «Junactva» Michaiła Zacharava. Ad mietro «Aŭtazavodskaj» da «Čyžoŭka-Areny» prykładna piać prypynkaŭ na aŭtobusie ci tralejbusie. Padčas adnaho ź vizitaŭ Łukašenki na chakiej na hetym maršrucie ja naličyŭ amal paŭsotni siłavikoŭ, jakija stajali na miescy, siadzieli ŭ mašynach abo patrulavali vulicy. AMAP uvohule ablapiŭ «Čyžoŭku», jak muchi ableplivajuć zusim nie miod.

A što «Minsk-Arena»? Dziŭna ci nie, ale na matčach KCHŁ Łukašenka amal nie źjaŭlajecca. Padčas majoj pracy ŭ «Dynama» taki vypadak byŭ — jon pryjechaŭ na pieršy matč siezona-2019/20 suprać «Naftachimika».

Heta byŭ pieršy vypadak, kali mianie abšukali pierad prychodam na pracu ŭ 8:30 ranicy (da hulni było jašče vielmi daloka).

Słužba biaśpieki kantraluje ŭvohule ŭsio. Hledačy pakutujuć z-za vializnych čerhaŭ na ŭvachodzie, jakija źbirajucca praz ŭzmocnieny dahlad. Pryčym na «Minsk-Arenu» ŭ takija dni składaniej dabracca — bo ŭ niejki momant praśpiekt pierakryvajuć u hadzinu pik dziela taho, kab Łukašenka za chvilinu dalacieŭ da areny.

Pakutujuć i supracoŭniki kłuba. Kali ty ŭzajemadziejničaješ ź jaho nabližanymi abo achoŭnikami, ni pra jakuju pavahu da čałavieka i jaho pracy havorki niama. Na matčy z «Naftachimikam» u 2019 hodzie «Dynama» daryła futbołki kožnamu z 15 tysiačaŭ naviednikaŭ. Prykładna 20 supracoŭnikaŭ i vałancioraŭ kłuba čatyry hadziny akuratna vykładali na siadzieńni hetyja futbołki, kab usio vyhladała pryhoža. A potym pryjšli siłaviki z sabakami i stali praviarać siadzieńni. Pad pravierkaj majecca na ŭvazie ałharytm «źniać futbołku, pahladzieć na kresła, kinuć nazad». Niekatoryja supracoŭniki «Dynama» tady byli blizkija da taho, kab pajechać na administratyŭku za hod da taho, jak heta stała mejnstrymam.

Jakija niazručnaści dla žurnalistaŭ? Kali ŭ zvyčajnyja dni jany prychodziać prykładna za paŭhadziny da matča, to ŭ dzień pryjezdu Łukašenki pavinny pryjazdžać na arenu za dźvie hadziny da hulni. Paśla chutkaha dahladu jany zmušanyja prosta marnavać svoj čas.

I jašče cikavy fakt pra matč «Dynama» — «Naftachimik» u 2019 hodzie. Adnoj z umovaŭ zjaŭleńnia Łukašenki na chakiei byŭ abaviazkovy anšłah na matčy.

Tamu na viełatreku kala «Minsk-Areny» admysłova trymali «zapasnych hledačoŭ» — na toj vypadak, kali nie budzie anšłahu. Ale kłub pradaŭ usie kvitki, i «zapasnyja» nie spatrebilisia.

Padčas hulni Łukašenka raźmiaščajecca ŭ śpiecyjalnaja prezidenckaj łožy nad trybunaj. Za ŭsiu historyju «Minsk-Areny» jaje vykarystoŭvali niekalki razoŭ. 

Łukašenka na chakiei atačaje siabie vielizarnaj kolkaściu achovy i pieraškadžaje ludziam hladzieć hulniu, chacia śćviardžaje, što jaho padtrymlivaje «90-93 adsotkaŭ biełarusaŭ». Hitanas Naŭsieda, za jakoha prahałasavali «ŭsiaho 65%», prychodzić na futboł i siadzić siarod zaŭziataraŭ.

Kaho ź ich sapraŭdy vybrali, a chto siłaj uzurpavaŭ uładu — zdajecca, tut nie treba hłyboka raźbiracca.

Kamientary2

  • BLR
    23.07.2022
    A što tut paraŭnoŭvać.
    Ja padyšoŭ da Naŭsiedy tvar da tvaru padčas pachavańnia Kalinoŭskaha na mohiłkach Rosu, dakładniej kali jen užo raźvitaŭsia z Dudaj i źbiraŭsia adjazdžać. Padziakvaŭ jaho za hodnuju arhanizacyju mierapryjemstva. Da mianie tolki krychu jaho achoŭnik praciahnuŭ ruku, maŭlaŭ - ščylniej užo nie varta. 
    U nas by ŭžo kali nie zastrelili, to roty achovy nakinułaś.
  • daviedka
    24.07.2022
    Na trieťjem foto Łukašienko słučajno v tołpie ludiej prikasajetsia k prokuroru Vołkovu, i vot on hłava HKSE. ))

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Usie naviny →
Usie naviny

Pahladzicie, jak prykolna vyhladaje biełaruski pašpart pad ultrafijaletam13

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

bolš čytanych navin
bolš łajkanych navin

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Hałoŭnaje
Usie naviny →