Ministr kultury Ukrainy: My za zabaronu ŭvozu va Ukrainu knih z Rasii i Biełarusi na luboj movie, nie tolki na ruskaj
Va Ukrainie patrabujuć zabaranić ŭvoz litaratury na luboj movie z Rasii, Biełarusi i časova akupavanych terytoryj Ukrainy. Hetuju prapanovu Ministerstva kultury i infarmacyjnaj palityki abviaściŭ kiraŭnik viedamstva Alaksandr Tkačenka na bryfinhu 8 lipienia, piša «Ukrainskaja praŭda».
Tkačenka padkreśliŭ, što heta tyčycca litaratury, jakaja pachodzić z Rasii ci była vyrablenaja tam i ŭvozicca z terytoryi krainy-ahresara.
«Šmat było razmoŭ i pytańniaŭ adnosna ŭvozu na terytoryju Ukrainy rasijskaj knižnaj pradukcyi z Rasii i Biełarusi.
Chacieŭ by rastłumačyć pazicyju Ministerstva: my za toje, kab zabaranić uvoz luboj knižnaj pradukcyi z terytoryi Rasijskaj Fiederacyi i Respubliki Biełaruś, nie tolki na ruskaj movie, a ŭsie knihi na luboj movie», — adznačyŭ ministr.
Adnak u samoj Ukrainie drukavać knihi pa-rusku nie zabaroniać, pakolki heta pytańnie adnosicca da pravoŭ i svabodaŭ, harantavanych Kanstytucyjaj Ukrainy.
U červieni Viarchoŭnaja Rada pryniała zakon, jaki zabaraniaje ŭvozić z terytoryi Rasii i Biełarusi na ruskaj movie.
Pratasieviču admianili hihancki štraf, i jon palacieŭ na adpačynak u Dubaj8
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2121
Kamientary