U pieršym paŭhodździ 2022 fizasoby ŭ Biełarusi pradali na 404,6 młn dalaraŭ zamiežnaj valuty bolš, čym kupili. Pra heta śviedčać statystyčnyja źviestki Nacyjanalnaha banka.
Ahulny abjom nabytaj fizičnymi asobami najaŭnaj i bieznajaŭnaj zamiežnaj valuty, pavodle infarmacyi Nacbanka, u studzieni — červieni skłaŭ 4,552 młrd dalaraŭ, pradadzienaj — 4,957 młrd.
Pry hetym u červieni nasielnictva sfarmavała čysty popyt na zamiežnuju valutu ŭ sumie 41,3 młn dalaraŭ suprać čystaha prodažu ŭ sumie 16,6 młn dalaraŭ u mai.
Subjekty haspadarańnia — rezidenty Biełarusi ŭ pieršym paŭhodździ vystupali ŭ roli čystych pakupnikoŭ zamiežnaj valuty.
Pavodle źviestak Nacyjanalnaha banka, pradpryjemstvy kupili na 638,5 młn dalaraŭ valuty ŭ ekvivalencie bolš, čym pradali.
Ahulny abjom nabytaj jurydyčnymi asobami zamiežnaj valuty ŭ studzieni—červieni skłaŭ 13,063 młrd dalaraŭ, pradadzienaj — 12, 425 młrd dalaraŭ.
Za červień kupla jurydyčnymi asobami zamiežnaj valuty pieravysiła jaje prodaž na 137,2 młn dalaraŭ (u mai — na 174,1 młn).
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki12
Kamientary