Ministr abarony Ukrainy nazvaŭ try mahčymyja scenaryi zakančeńnia vajny
Ministr abarony Ukrainy Alaksiej Reźnikaŭ na arhanizavanaj vydańniem Forbes Ukraine kanfierencyi «Budujem razam» 8 lipienia padzialiŭsia svaim bačańniem, jak budzie raźvivacca dalej situacyja na vajennych frantach. Pavodle jaho, jość try mahčymyja scenaryi zakančeńnia vajny — dva bolš chutkija, a adzin praciahły.
«Pieršy scenaryj budzie pryblizna taki ž, jak i «good will», «dobraja vola» rasijan, jakaja była imi abvieščanaja, kali jany biehli z Kijeŭščyny, Čarnihaŭščyny, Sumščyny i vostrava Źmiainy. Adpaviedna, ja dumaju, što jon budzie raźbity na niekalki łancužkoŭ.
Spačatku my vyjdziem z vami na pazicyi da 24 lutaha biahučaha hoda, dalej buduć niejkija razmovy pa statusie akupavanych raniej Daniecka, Łuhanska i Kryma, ale za stałom z našymi mahutnymi partniorami», — skazaŭ Reźnikaŭ.
Jon padkreśliŭ, što «Minska-3 dakładna nie budzie, niejkich kapitulacyjnych damoŭlenaściaŭ nie budzie, i ź pistaletam la skroni nichto vieści pieramovy nie budzie».
«Varyjant druhi — pastupova my budziem pieramołvać Uzbrojenyja siły RF, tamu što heta na samaj spravie vajna resursu na resurs. U ich bolš ludziej, terytoryi, tankaŭ, samalotaŭ i h. d., ale ŭsio nie sučasnaje, usio daŭniaje, i jany siońnia vykarystoŭvajuć pryncyp miasarubki», — adznačyŭ Reźnikaŭ.
Ministr miarkuje, što druhi varyjant pieramohi nie nastolki chutki — da kanca hetaha hoda, mahčyma, z zachopam pačatku novaha hoda.
«Treci — bolš dramatyčny dla Rasii, heta razvał Rasijskaj Fiederacyi, parad suvierenitetaŭ na niekalki roznych subjektaŭ: Tatarstan, Baškartastan, na ŭschodzie i h. d. My heta z vami dakładna pry našym žyćci ŭbačym, ale heta krychu praciahłaja historyja», — raskazaŭ Reźnikaŭ.
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii2
Kamientary