Hramadstva33

Zraŭniali ź ziamloj mahiły žaŭnieraŭ Armii Krajovaj u Mikuliškach na Ašmianščynie

Mahiły žaŭnieraŭ Armii Krajovaj u vioscy Mikuliški Ašmianskaha rajona zraŭniali ź ziamloj. Pra heta na svajoj staroncy ŭ fejsbuku paviedamiŭ vice-staršynia Sajuza palakaŭ Biełarusi Marak Zanieŭski.

Mahiły žaŭnieraŭ AK da vandalizmu

U fejsbuku situacyju prakamientavaŭ i deputat polskaha Siejma Robiert Tyškievič. Jon nazvaŭ toje, što zdaryłasia, «varvarskim aktam dziaržaŭnaha vandalizmu» i vykazaŭ upeŭnienaść, što hety ahidny ŭčynak režymu Łukašenki pavinien sustreć rašučuju reakcyju polskich uładaŭ. 

Ciapierašni stan

U kancy červienia Polšča vykazvała zaniepakojenaść častymi vypadkami apahańvańnia mahił polskich žaŭnieraŭ. U MZS krainy zajaŭlali, što vypadki vandalizmu ŭ asnoŭnym tyčacca Hrodzienskaj vobłaści, dzie znachodzicca kala 550 miescaŭ pachavańnia polskich sałdat. Polšča źviartałasia da biełaruskich uładaŭ z zaklikam nieadkładna spynić akty vandalizmu i pryciahnuć vinavatych da adkaznaści.

Vypadki źniščeńnia polskich mahił byli zafiksavanyja ŭ vioskach Bahdany, Babrovičy, Dyndyliški, a taksama ŭ Iŭi. U Jodkavičach Bierastavickaha rajona nieviadomyja ssunuli nadmahilnyja plity i vykapali pareštki žaŭnieraŭ z brackaj mahiły.

Taksama cyničnaj formaj ździeku z važnych dla palakaŭ miescaŭ pamiaci było pachavańnie na mohiłkach u Daŭhinavie, dzie pachavanyja bajcy polskaha vojska, što zahinuli ŭ bajach z balšavikami ŭ 1919-1920 hadach, deziercira Emila Čečki, jakoha znajšli paviešanym paśla taho, jak jon akazaŭ režymu Łukašenki prapahandysckija pasłuhi, skiravanyja suprać Polščy. 

«Nu i što, što heta mahiły palakaŭ, a nie biełarusaŭ — heta častka historyi. Dla biełarusaŭ što palaki, što ruskija, što amierykancy — inšyja. Ale ž sistemna vycirajuć tolki toje, što nie ruskaje i nie savieckaje, — skazaŭ «Našaj Nivie» krajaznaviec z Hrodna, jaki paprasiŭ, kab jahonaha imia nie nazyvali. — Armija Krajova zmahałasia z nacystami, paniesła ŭ tym zmahańni najciažejšyja straty, uspomnicie Varšaŭskaje paŭstańnie. A jaje malujuć nacysckim farmiravańniem. Prosta śmiardziučyja falsifikacyi, jakija majuć na mecie pasvaryć biełarusaŭ z palakami. U biełarusaŭ z palakami byli sprečki, ale vykidać z mahił cieły bajcoŭ, jakija zahinuli padčas vajny, heta ŭvohule što? U «Hod histaryčnaj pamiaci» jaje ścirajuć» — dadaŭ krajaznaviec. 

Armija Krajova — polskaje padpolnaje farmiravańnie, jakoje viało zmahańnie z nacystami, a paśla 1943 hoda — taksama i z savietami.

Čytajcie taksama:

Polskija ŭłady vykazali pratest suprać apahańvańnia polskich mohiłak u Biełarusi

Armija Krajova ŭ Biełarusi: značnyja apieracyi, viadomyja kamandziry, vostryja pytańni

Hieroi ci bandyty? Čamu śviadomyja biełarusy nie padtrymlivali Armiju Krajovu

Kamientary3

  • Vopros
    05.07.2022
    Intieriesno, nielehitimnyj, pravosłavnyj atieist moskovskoj cierkvi v Biełarusi, lično,
     otdajot prikazy na opohavanije mohił, ili eto - izdieržki ispołnitietiełj ?
  • Andriej
    05.07.2022
    Nie pora li kričať vo vieś hołos: "Ludi - očnitieś!" Poka my mołčim, nas budut prodołžať zataptyvať v hriaź vsie hłubžie i hłubžie. Da, strašno, no nieobchodimo sdiełať dla siebia vybor, ili ty boriešsia so złom, ili živieš pod jeho hnietom. Za nas, biełarusov, nikto nie sdiełajet to, čto MY dołžny.
  • Pan Śkirgiełło
    06.07.2022
    Jon i z Kurapatami zmahaŭsia, a zaraz z nami, palakami. Što ž jamu kryžy nie dajuć spakoju? Jaho treba sudzić i nie dzie-niebudź u Haazie, a mienavita ŭ Biełarusi. A Sud adbudziecca ja sumniajusia.

Maładoj ajcišnicy pahražaje da dziesiaci hadoŭ kałonii za achviaravańni Ukrainie1

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman51

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

TEST: Ci dobra vy viedajecie historyju biełaruskich habrejaŭ?

U Homielskaj vobłaści abjaŭlena nadzvyčajnaja situacyja1

Tramp raskazaŭ, što cudam jaho vyratavała ad kuli3

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie1

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →