Litoŭskaja mytnia: Čerhi hruzavikoŭ na miažy ź Biełaruśsiu rastuć z-za sankcyj ES
U apošnija miesiacy doŭhija čerhi hruzavikoŭ na miažy ź Biełaruśsiu jašče bolš vyraśli praz bolš praciahły dahlad z pryčyny realizacyi sankcyj Jeŭrapiejskaha sajuza ŭ dačynieńni da Maskvy i Minska, paviedamiła litoŭskaja mytnia.
Jak paviedamiła ahienctvu BNS pradstaŭnik Mytnaha departamienta Lina Łaŭrynajcicie-Hryhienie, najbolš składanaja situacyja zastajecca na pamiežnym punkcie ŭ Miadzininkaj, dzie, pavodle źviestak na paniadziełak, u čarzie ź Biełarusi ŭ Litvu stajała bolš za tysiaču hruzavikoŭ, a kala 390 hruzavikoŭ čakali ŭjezdu ź Litvy ŭ Biełaruś.
«Ciapier mytniki vykonvajuć nie tolki svaje štodzionnyja funkcyi, ale i pavinny zabiaśpiečvać kantrol za vykanańniem sankcyj ES, tamu zrazumieła, što pavialičyłasia kolkaść hruzaŭ, jakija patrabujuć bolš detalovych pracedur nadhladu.
Z ustupleńniem u siłu kožnaha novaha pakieta sankcyj nieabchodna bolš staranna aceńvać zahružanaść transpartu, jaki prachodzić praź miažu Litvy», — skazała Łaŭrynajcicie-Hryhienie.
U toj čas jak płanavy dahlad adnaho hruzavika zajmaje ŭ siarednim kala 20 chvilin, słužbovyja asoby mohuć vykarystoŭvać jak mabilnyja, tak i stacyjanarnyja renthienaŭskija aparaty, pravodzić detalovy fizičny ahlad hruzu, brać proby hruzu i analizavać jaho ŭ łabaratoryi z ulikam apieratyŭnaj infarmacyi i acenki mahčymych ryzyk pry ahladzie aŭtamabilaŭ.
«Takija pravierki zajmajuć bolš času, ale jany niepaźbiežnyja i nieabchodnyja. Mytnia sočyć za tym, kab kantrabanda i tavary, jakija padpadajuć pad sankcyi ES, nie pierasiakali miažu Litvy.
My razumiejem, što heta moža stvaryć niazručnaści pieravozčykam i padarožnikam», — prakamientavała situacyju Łaŭrynajcicie-Hryhienie.
Na punkcie propusku «Bieniakoni» ź biełaruskaha boku dla ŭjezdu ŭ Litvu ŭ paniadziełak apoŭdni čakała 220 hruzavikoŭ, na punkcie «Šalčyninkaj» ź litoŭskaha boku — 236, na punktach «Katłoŭka» i «Łavaryški» — 160 i 350 adpaviedna, na KPP «Pryvałka» i «Rajhardas» — 300 i 280 adpaviedna.
-
U žodzinskaj paliklinicy abviarhajuć, što ŭ ich u rehistratury pamior mužčyna
-
Biełarus, jaki haładaŭ u Kłajpiedzie z-za niemahčymaści vyvieźci aŭtamabil, ciapier pratestuje za akijanam
-
U Hrodnie ŭvadnačas zakryli pałovu kijoskaŭ, dzie možna nabyć kvitki na hramadski transpart. U aŭtaparku prablemy nie bačać
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary