Adzin z avijapieravozčykaŭ pastavić u samaloty ekanom-kłasa łožki dla snu
Upieršyniu ŭ śviecie pasažyry ekanom-kłasa atrymajuć mahčymaść prylehčy na sapraŭdny łožak prosta padčas palotu. Zdarycca heta ŭ Novaj Ziełandyi.
Avijakampanija Air New Zealand raspracavała adpaviednuju kancepcyju pad nazvaj Skynest. Zhodna ź joj na novych samalotach kampanii Boeing 787 Dreamliner ciapier źjavicca pa šeść kapsuł u poŭny rost dla snu. Z kamfortam zadramać u ekanom-kłasie možna budzie pačynajučy z 2024 hoda, piša CNN.
U kožnaj kapsule budzie paduška, paścielnaja bializna, navušniki, śviatło dla čytańnia, USB-port i asobnaja vientylacyja. U samalocie pastaviać pa try kapsuły ŭ dva šerahi.
Kab na 4 hadziny adasobicca ŭ kapsule, pasažyr pavinien budzie zapłacić dadatkovy košt da bileta ekanom-kłasa. Adzin standartny cykł snu zajmaje 90 chvilin, i za 4 hadziny pasažyr paśpieje prajści całkam try takija cykły. Paśla kožnaj siesii ŭ kapsule buduć zamianiać paścielnuju bializnu.
Air New Zealand prapanuje karystalnikam adny z daŭžejšych rejsaŭ na płaniecie, tamu možna čakać, što źjaŭleńnie kapsuł dla snu pasažyry kampanii ŭsprymuć z udziačnaściu. Naprykład, u vieraśni hetaha hoda kampanija zapuskaje pramy rejs pamiž novaziełandskim Oklendam i Ńju-Jorkam, jaki, mierkavana, moža zaniać 17 hadzin. U takim vypadku novy rejs stanie samym doŭhim siarod usich rehularnych pasažyrskich rejsaŭ u śviecie.
Prafiesijnaja padarožnica raspaviała, jak źbiracca ŭ pajezdki i jakija try rečy abaviazkova ŭziać z saboj
Čatyry niezvyčajnyja avijakampanii, jakija nasamreč isnavali
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary