Śviet33

Sałodkija mroi prapahandy: «U Łukašenki byli b vielmi vialikija šancy vyjhrać na vybarach u Litvie». A jak nasamreč?

«Alaksandr Łukašenka — vielmi charyzmatyčny palityk, u jakoha byli b vielmi vialikija šancy pieramahčy na demakratyčnych vybarach u Litvie». Pra heta ŭ efiry prapahandysta Ihara Tura zajaviŭ litoviec Stanisłavas Tomas. Nasamreč, rejtynh Łukašenki ŭ Litvie — 4,3%. Viadoma, heta vyšej za 3%, ale heta zusim nie taja padtrymka, ź jakoj niedzie pieramahajuć. Voś jašče niekalki cikavych faktaŭ.

«U mianie niama takoha adzinaha pohladu na Zachad, dla mianie Zachad nie źjaŭlajecca čymści adzinym cełym. Jość kuča supiarečlivych tendencyj u zachodnim hramadstvie.

Kali, naprykład, Łukašenka ŭdzielničaŭ by ŭ demakratyčnych vybarach u Litvie, i jon byŭ by litoŭcam, ja ŭpeŭnieny, što ŭ jaho byli b vielmi vialikija šancy vyjhrać na hetych vybarach.

Prosta tamu, jak charyzmatyčna jon kamunikuje i vykazvaje svaje dumki», — miarkuje Tomas, jakoha prapahandysty nazyvajuć «litoŭskim advakatam».

Ale ci nasamreč Łukašenka moh by vyjhrać vybary ŭ Litvie? Nie zusim karektna paraŭnoŭvać papularnaść miascovych palitykaŭ i zamiežnych, ale Łukašenka siarod litoŭcaŭ maje adzin z samych vysokich antyrejtynhaŭ u paraŭnańni ź inšymi zamiežnymi palitykami.

U sakaviku ŭ Litvie byŭ składzieny rejtynh zamiežnych palitykaŭ. Lidaram simpatyj litoŭcaŭ akazaŭsia ŭkrainski prezident Uładzimir Zialenski, jakomu simpatyzavali amal 50% respandentaŭ, jašče kala 30% «chutčej simpatyzavali».

Makronu simpatyzujuć amal 17% apytanych, a «chutčej simpatyzujuć» jašče 56%. U polskaha prezidenta Andžeja Dudy kala 14% i 54%.

A voś Łukašenku litoŭcy zusim nie lubiać.

Pra jaho pazityŭna vykazalisia tolki 1,5%, «chutčej simpatyzujuć» jamu tolki 2,8%. Takim čynam, ahulnaja kolkaść simpatyzantaŭ Łukašenki ŭ Litvie — 4,3%. Viadoma, heta vyšej za 3%, ale heta zusim nie taja padtrymka, jakuju maluje prapahanda.

Niehatyŭny rejtynh Łukašenki ŭ Litvie — kala 70%. Bolšy antyrejtynh siarod zamiežnych palitykaŭ u Litvie tolki ŭ Pucina.

Taksama ŭ efiry prapahandysckaha šou Stanisłavas Tomas śćviardžaje, što litoŭcy chočuć pryvatyzavać usiu biełaruskuju ekanomiku.

Fobii pra pryvatyzacyju — staraja pieśnia łukašenkaŭskaj prapahandy. Uvieś čas Łukašenka i dziaržaŭnyja ŚMI malujuć pryvatyzacyju zamiežnikami jak niešta strašnaje i razburalnaje. Ale raniej u kavarstvie i chižych namierach prapahandysty abvinavačvali rasijskich aliharchaŭ i zachodnija karparacyi. I ŭpieršyniu — litoŭcaŭ.

I tut niesastykovačka. Prapahanda ŭvieś čas kryčyć, što ŭ Litvie kryzis, što tam, nibyta, usiu ekanomiku razvalili i ničoha nie vyrablajuć. A ź inšaha boku kažuć, što chižy litoŭski biznes z maleńkaj krainy maje hrošy na pryvatyzacyju pradpryjemstvaŭ vialikaj, mocnaj i kvitniejučaj Biełarusi.

Chto taki Stanisłavas Tomas, jaki ŭsio heta havoryć?

Hety čałaviek nie ŭpieršyniu manipuluje faktami, histaryčnymi źviestkami ŭ efiry biełaruskaj i rasijskaj prapahandy. Stanisłavas Tomas u 2016 hodzie pradstaŭlaŭ litoŭskaha palityka i eks-prezidenta Rałandasa Paksasa ŭ spravie suprać Litvy. Nahadajem, Paksasu ŭ svoj čas abviaścili impičmient.

Jeŭrapiejski sud pa pravach čałavieka (JESPČ) vyśvietliŭ, što advakat Tomas źjaŭlajecca samazvancam, i jamu nazaŭždy zabaroniena pradstaŭlać zajaŭnikaŭ ci inšym čynam dapamahać im u spravach.

Taksama Tomas byŭ viadomy tym, što ŭ 2019 hodzie raźbiŭ pamiatnuju šyldu ŭ honar litoŭskaha hienierała Jonasa Narejki i tranślavaŭ hety praces u fejsbuku. Za heta Tomasu prysudzili štraf i kampiensacyju škody.

U hetym ža hodzie jon sprabavaŭ bałatavacca ŭ Jeŭraparłamient, ale nie zdoleŭ sabrać nieabchodnaj kolkaści podpisaŭ. Razam sa svaimi podpisami Tomas čamuści zdaŭ podpisy Kazimierasa Jurajcisa. Jurajcisa možna nazvać paplečnikam Alhirdasa Paleckisa — litoŭskaha palityka, jaki ŭ lipieni 2021 hoda byŭ prysudžany da šaści hadoŭ pazbaŭleńnia voli za špijanaž na karyść Rasii.

Na svaim aficyjnym sajcie Tomas śćviardžaje, što z 2013 hoda źjaŭlajecca advakatam u Prydniastroŭi. U 2016 hodzie jon stanovicca advakatam u Andory i na Narmandskich astravach. U 2014 hodzie nibyta atrymlivaje ažno try zvańni «prafiesara» ŭ Rasijskim novym univiersitecie (Maskva), Jeŭrazijskaj jurydyčnaj akademii (Ałmaty) i va ŭniviersitecie «Narchoz» (Ałmaty).

Kamientary3

  • piej tabletki
    04.07.2022
    … byli b vielmi vialikija šancy vyjhrać na vybarach u Litvie, kali b tolki hetyja “vybary” prachodzili ŭ 6j pałacie)
  • RLB
    04.07.2022
    Nie ŭ "Litvie", a Lijetuvie, sa stalicaj nie "Vilnia", a Vilnius.
    Usio astatniaje, u sensie analizujemaja u artykule "prablema", na maju dumku, kažučy pa-rasiejsku, nie stoit vyjediennoho jajca.
  • łakiej z mzs RLB
    05.07.2022
    RLB, łukašysty čamuści tolki na “iajcach” akcentujuć uvahu.

«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj7

«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj

Usie naviny →
Usie naviny

Stała viadoma pra aryšt historyka Ihara Mielnikava21

U Hrodnie možna nabyć siadzibu apošniaha karala Rečy Paspalitaj

U Biełarusi z-za ŭrahanu zahinuli siem čałaviek

U Minsku pastaviać pomnik kačcy, jakaja vyhadavała ptušaniat na kłumbie ŭ centry horada4

Biełaruska vyraściła hihancki ahurok, jaki važyć dva kiłahramy FOTAFAKT1

U Ivanaŭskim rajonie ratavalniki dastali źmiaju z kanapy1

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku60

Čarhovy chapun u Baranavičach — zatrymali adrazu piać čałaviek1

Biełarusy ŭ Varšavie ładziać viasielle dla svaich buldohaŭ. U niaviesty i žanicha budzie ŭsio — ad torta da kaściumaŭ13

bolš čytanych navin
bolš łajkanych navin

«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj7

«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj

Hałoŭnaje
Usie naviny →