Usiaho patrochu

Raim dobry sposab palivu raślin — jon padydzie na čas śpioki i adjezdu

Kali chočacie, kab vašy raśliny daŭžej zastavalisia ŭvilhotnienymi, pasprabujcie palivać ich hetakim čynam. Vam spatrebicca tolki płastykavaja butelka, a raśliny nibyta buduć palivać sami siabie. Cikava? Voś padrabiaznaści.

Fota: pixabay.com

Sa zvyčajnaj płastykavaj butelki možna zrabić idealnuju pryładu dla palivańnia raślin, jakaja zdoleje padavać im vadu ažno da dvuch tydniaŭ. Ale toje, jak doŭha budzie dziejničać taki varyjant palivu, budzie zaležać ad pamieru butelki, uzroŭniu soniečnaha aśviatleńnia i ad taho, nakolki raślina patrabuje vady, piša onet.pl.

Ličycca, što adnoj raślinie treba ŭ siarednim da adnaho litra vady na tydzień, tak što ŭ našym vypadku zapasiciesia butelkami jomistaściu ŭ 1-2 litry.

Samy prosty varyjant — heta tak zvany paliŭ «z-pad ziamli». Pierš za ŭsio padrychtujcie butelku: vymyjcie jaje i źnimicie etykietku. Potym adrežcie dno i zrabicie niekalki dzirak u jaje korku (dla hetaha možna skarystacca ćvikom). Dzirki nie pavinny być maleńkimi.

Pastaŭcie butelku ŭ ziamlu rylcam uniz, ale budźcie aściarožnyja, kab nie paškodzić karani raślin. Pastarajciesia zakapać butelku na niekalki santymietraŭ u ziamlu i paśla hetaha napoŭnicie jaje vadoj. Možna i nie adrazać dno — u takim vypadku treba prosta nalić vadu ŭ butelku da taho, jak vy budziecie jaje zakopvać.

Ale možna nie apuskać butelku ŭ ziamlu, a pastavić jaje kala raślin (pažadana vykarystoŭvać dla hetaha niejkuju padstaŭku, kab butelka raźmiaščałasia vyšej za vazon z raślinaj). Adrežcie ŭ butelki vierchniuju častku (rylca), napoŭnicie butelku vadoj i apuścicie ŭ jaje adzin kaniec namočanaj bavaŭnianaj stužki — možacie prycisnuć jaho, naprykład, kamieńčykam. Inšy kaniec stužki zakapajcie ŭ ziamlu.

Dziakujučy takoj fizičnaj źjavie, jak kapilarnyja siły, stužka budzie ŭbirać u siabie vadu i praz heta ŭvilhatniać hlebu.

«Śviet razvalvajecca na kavałki, a ty raduješsia, što pamidorka saśpieła». Biełaruska zrabiła harod na bałkonie — pahladzicie na jaje ŭradžaj

Zaviažycie ŭ sadzie žoŭtuju stužku. Heta dapamoža vam pazbavicca ad surjoznaj prablemy

Kamientary

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

Litoviec raskazaŭ, jak trapiŭ u połk Kalinoŭskaha3

Palicyja zatrymała ŭ Varšavie biełarusa, jaki pryjšoŭ u ministerstva ź niebiaśpiečnymi pradmietami3

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →