Hramadstva

Palitviaźnia Arcioma Aniščuka nie vypuścili na volu paśla zakančeńnia terminu — jaho ŭziali pad vartu pa novaj spravie

Asudžany da dvuch hadoŭ kałonii fihurant pa spravie «piaciorki, jakaja paškodziła mašynu supracoŭnika DVP Alaksandra Hiejca» Arciom Aniščuk musiŭ vyjści na volu 29 červienia, ale hetaha nie adbyłosia. Jak stała viadoma pravaabaroncam «Viasny», jaho ŭziali pad vartu pa novaj kryminalnaj spravie pa art. 369 Kryminalnaha kodeksa. Ciapier Aniščuka abvinavačvajuć u «abrazie milicyjanta» ŭ zakrytym telehram-čacie ŭ vieraśni 2020 hodu. Sprava ŭžo pieradadzienaja ŭ prakuraturu dla nakiravańnia ŭ sud.

Arcioma Aniščuka asudzili da dvuch hadoŭ pazbaŭleńnia voli i etapavali ŭ mahiloŭskuju kałoniju №15, dzie jon zaznaŭ katavańni. Jaho ŭ vieraśni pieraviali z mahiloŭskaj kałonii ŭ babrujskuju kałoniju № 2, dzie jon taksama padviarhaŭsia cisku. Tam Arciom daviedaŭsia, što suprać jaho mahiloŭskimi śledčymi pravodzicca pravierka pa fakcie «abrazy milicyjanta ŭ zakrytym telehram-čacie».

28 červienia, za dzień da vyzvaleńnia, Arciomu ŭručyli pastanovu prakurora Mahilova, zhodna ź jakoj Aniščuka uziali pad vartu ŭžo pa novaj kryminalnaj spravie. Pry hetym na momant ździajśnieńnia «złačynstva» dziejničała staraja redakcyja artykuła 369 Kryminalnaha kodeksa, jakaja nie praduhledžvała mieru strymańnia ŭ vyhladzie ŭtrymańnia pad vartaj.

Novaja sprava nibyta była zaviedziena 27 śniežnia 2021 hodu, i tolki 20 maja Arciom staŭ padazravanym pa joj. 8 červienia jaho etapavali ŭ śledčuju turmu № 4 na 10 dzion dla «praviadzieńnia śledčych dziejańniaŭ», dzie jamu pradjavili abvinavačvańnie pa art. 369 KK. Spravu zaviali za paviedamleńnie ŭ zakrytym telehram-čacie ŭ vieraśni 2020 hoda, ale pad vartu jaho vyrašyli ŭziać ciapier — kali Arciom musiŭ vyjści na volu. Viadoma, što sprava pieradadzienaja ŭ prakuraturu dla nakiravańnia ŭ sud.

Žonku Arcioma Volhu 28 śniežnia minułaha zatrymlivali supracoŭniki HUBAZiKa. Pierad hetym joj telefanavaŭ śledčy z Mahilova i chacieŭ, kab jana dała pakazańni suprać Arcioma: «Skazaŭ nibyta za abrazu ŭ sietki internet». Pa słovach śledčaha, Volha prachodzić śviedkaj pa spravie.

Supracoŭniki HUBAZiKa ŭ Aniščukoŭ praviali pieratrus, ale jany navat nie pakinuli pastanovu, dzie musili być paznačany padstavy dla pieratrusu i artykuł Kryminalnaha kodeksa. Arciom i advakaty napisali skarhi ŭ Hienprakuraturu ab niezakonnym utrymańni pad vartaj.

Palitviazień praz dva tydni musiŭ vyjści na volu. Kab jaho nie vypuskać, zaviali novuju kryminalnuju spravu

Kamientary

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Usie naviny →
Usie naviny

Praź śpiešku CRU źliło imiony svaich maładych supracoŭnikaŭ, na jakich palujuć kitajskija śpiecsłužby4

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie8

Biełarusku biez tłumačeńnia pryčyn źniali z rejsa ŭ minskim aeraporcie i adpravili ŭ RUUS6

Sprava Paŭła Durava dojdzie da suda nie raniej čym praz hod

45-hadovuju minčanku asudzili pa troch palityčnych artykułach. Voś u čym jaje vinavacili1

Samy sapraŭdny kot pracuje ŭ biełaruskim muziei FOTAFAKT1

U Polščy abviaścili ŭ vyšuk biełaruskuju špijonku5

U Bresckaj vobłaści złačyncu złavili dziakujučy stałovaj łyžcy2

Łaŭroŭ: «Interbačańnie» ŭ Maskvie projdzie biez vyčvarenstvaŭ3

bolš čytanych navin
bolš łajkanych navin

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Hałoŭnaje
Usie naviny →

Zaŭvaha:

 

 

 

 

Zakryć Paviedamić