Ekanomika

Novaja vakansija — čałaviek, jaki trymaje miesca ŭ čarzie na miažy. Kolki płaciać za takuju pracu?

Sučasnyja prablemy vymahajuć sučasnych rašeńniaŭ. Pryblizna tak u dvuch słovach možna apisać situacyju, jakaja skłałasia na punktach propusku pamiž Biełaruśsiu i krainami ES. Vielizarnyja čerhi z hruzavikoŭ paspryjali źjaŭleńniu novych vakansij — pracaŭładkavacca možna aficyjna.

Fota: skrynšot ź jutub-kanał «Mytnyja orhany»

Z pačatkam abvastreńnia mihracyjnaha kryzisu na miežach Biełarusi i ES u punktach propusku pačali źbiracca vieličeznyja čerhi z hruzavikoŭ. U adkaz na dziejańni biełaruskaha boku Polšča zakryła pamiežny punkt propusku «Kuźnica-Bruzhi» z 9 listapada 2021 hoda. Paśla hetaha i biez taho nie małyja čerhi stali jašče bolšymi. Kiroŭcam davodzicca čakać vyjezdu ź Biełarusi pa niekalki sutak i navat tydniaŭ.

U suviazi z hetym u pieravozčykaŭ źjaviłasia patreba ŭ ludziach, jakija buduć stajać zamiest ich sutkami ŭ čarzie. Pa słovach biełaruskaha dalnabojščyka, jaki pracuje na polskuju firmu, jašče miesiac-dva tamu možna było znajści ludziej, hatovych rabić heta za 10 jeŭra ŭ sutki.

«Byli ludzi, jaki brali sabie pa 2-3 fury i padčas prasoŭvańnia padhaniali ich pa čarzie. Pasłuha karystałasia popytam, bo kiroŭcam, jakija žyvuć u pryhraničnych haradach, było zručniej płacić pa 10 jeŭra inšamu čałavieku, čym samim sutkami stajać na miažy», — dzielicca surazmoŭca.

Z rostam popytu ceny na takija pasłuhi pajšli ŭhoru.

«Užo miesiac tamu za heta brali pa 20 jeŭra ŭ sutki, a ciapier, nakolki viedaju, biaruć pa 30. Prynamsi apošni raz, kali ja stajaŭ u čarzie na «Pryvałcy», to čałaviek napieradzie płaciŭ takomu kiroŭcu pa 25 jeŭra za sutki», — dzielicca dalnabojščyk.

Padobnyja vakansii ŭžo publikujuć i asobnyja kampanii. Tak, naprykład, adna z hrodzienskich šukała čałavieka z asabistym aŭto, jaki b zajmaŭ čarhu na pamiežnym pierachodzie «Pryvałka». Zadača vielmi prostaja — ruchacca pa čarzie, a dačakaŭšysia patrebnaha kiroŭcu hruzavika, sastupić jamu miesca.

Papiaredžvajuć, što stajać na miažy moža daviadziecca da piaci dzion.

Apłata — 100 rubloŭ u sutki. Mahčymaje aficyjnaje afarmleńnie praz dahavor pasłuh, padradu, HPCH, samazaniataści, IP — skazana ŭ abjavie.

U kołach dalnabojščykaŭ miarkujuć, što achvotnyja płacić stolki znojducca.

«Praz sankcyi staŭki na dastaŭku tavaraŭ ź ES mocna padraśli, tamu nie dziŭna, što pieravozčyki iduć na takija chitryki, bo heta dapamahaje chutčej prajści miažu, a značyć paśpieć zrabić bolš rejsaŭ».

Kamientary

Stryžak raskazaŭ, jak jaho vierbavali śpiecsłužby13

Stryžak raskazaŭ, jak jaho vierbavali śpiecsłužby

Usie naviny →
Usie naviny

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?14

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby13

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →