«Akramia jak «b**» adkazać ničoha nie zmahła». Dziaŭčyna aburyłasia patrabavańniem IT-kampanii razmaŭlać u kalektyvie pa-biełarusku
Dziaŭčyna ŭ tvitary apublikavała list, jaki pryjšoŭ jaje bratu ad IT-kampanii. Toj padavaŭ svajo reziume i atrymaŭ adkaz na biełaruskaj movie.
U im ejčar zadała kandydatu niekalki pytańniaŭ. Siarod inšaha pacikaviłasia, ci hatovy patencyjny rabotnik kamunikavać z kalehami i zamoŭcami pa-biełarusku (možna taksama pa-anhielsku) i ci možna ź im pravieści sumoŭje na biełaruskaj ci anhielskaj movie.
Dziaŭčynu hetyja pytańni aburyli.
«Brat atrymaŭ taki imejł, a ja akramia jak «b**» i adkazać ničoha nie zmahła», — napisała jana.
U kamientarach karystalnica patłumačyła svaju pazicyju:
«Sutnaść majoj pretenzii ŭ tym, što kampanija kali šukaje śpieca, to joj pavinna być usio adno, na jakoj movie jon budzie razmaŭlać z kalehami».
«Ja naohuł praciŭnik abmiežavańniaŭ pa movie na ŭzroŭni kamunikacyi z kalehami», — dadała jana.
U tvitary jaje abureńnia mnohija nie padtrymali.
«Nie baču ničoha drennaha tut. U kampanii viedajuć, chto im patrebny, i ŭ piśmie nichto nikoha nie abraziŭ. Heta jak spytać, ci budziecie vy mieć mahčymaść trymacca dres-kodu ŭvieś pracoŭny čas», — adreahavaŭ adzin z karystalnikaŭ.
«Kali ŭvieś ofis razmaŭlaje na biełaruskaj albo na anhielskaj, čamu b nie šukać kandydataŭ, jakija hetymi movami vałodajuć?» — padtrymaŭ inšy.
«Jaki žach! U biełaruskaj kampanii ŭ Biełarusi jość polisi na kamunikacyju pa-biełarusku! Sapraŭdny moŭny fašyzm!» — pairanizavaŭ chtości.
«Kampanija adkazała na dziaržaŭnaj movie, i heta vyklikaje takuju isteryku? Darahija suajčyńniki inšy raz horš za akupantaŭ», — krytykujuć u tvitary.
Niekatoryja ŭ adkaz pisali, što chacieli b pracavać u takoj kampanii.
«A skińcie, što za kantora, dašlu svajo reziume, kali jeść pazicyi padychodziačyja», — pytalisia ŭ kamientarach.
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary