Hramadstva

«Heta BNFaŭcy, i ja ich nienavidžu!» Na sudzie nad Aŭtuchovičam vaŭkavyski milicyjant raskazaŭ pra maralnuju izalacyju svajoj siamji paśla ŭdziełu ŭ represijach

U hrodzienskaj turmie praciahvajuć sudzić Mikałaja Aŭtuchoviča i jaho dziasiaciarych «paplečnikaŭ». Na hetym tydni dapytvali paciarpiełych — inśpiektara milicyi i amapaŭca. Milicyjant z Vaŭkavyska Viktar Łutčanka paskardziŭsia: pahrozy jon atrymlivaŭ i da padpału majomaści, i paśla taho. Pahražali ŭsioj siamji, telefanavali jaho baćkam i kazali, što «vaš syn pamior». A kali zhareŭ dom i mašyna, jaho žoncy na pracy kazali: tak tabie i treba!

Časam paciarpiełyja błytajucca ŭ pakazańniach. U takich vypadkach na dapamohu prychodziać prakurory i začytvajuć minułyja pakazańni paciarpiełych. 

Adzin z paciarpiełych — milicyjant z Vaŭkavyska Viktar Łutčanka, jakomu spalili niedabudavany dom i aŭtamabil.

Viktar Łutčanka

Spačatku jon patrabavaŭ 19 tysiač rubloŭ kampiensacyi, ciapier choča bolš za 44 tysiačy plus hrošy za maralnuju škodu (jašče 15 tysiač rubloŭ). Tłumačyć apošniaje tym, što staŭ «zły i niervovy». 

Cikava, što spačatku ŭ padpale mašyny milicyjanta padazravali vypadkovaha chłopca, jaki zdymaŭ na telefon, jak haryć mašyna. 

U 2020 hodzie hety chłopiec pryciahvaŭsia pa administracyjnych artykułach, «śviedkam» byŭ siońniašni paciarpieły Łutčanka. Milicyjant raskazaŭ, što bolš za 40 razoŭ byŭ śviedkam pa takich spravach: «zdymaŭ usio na videa», paśla pakazvaŭ zapisy ŭ sudzie.

I adnojčy paśla suda niejki chłopiec skazaŭ siłaviku: jašče ŭbačymsia! 

A ŭ viečar, kali hareła mašyna, niepadalok akazaŭsia jakraz toj samy chłopiec, stajaŭ z telefonam u rukach. Hetym razam jon taksama nie zmaŭčaŭ, paviedamiŭšy milicyjantu: heta tabie karma! Łutčanka adrazu padumaŭ — hety i padpaliŭ! Ale ž ciaham śledstva vyśvietliłasia, što chłopiec akazaŭsia na miescy złačynstva vypadkova.

I spačatku paciarpieły ličyŭ, što mašyna zaharełasia sama — u starych «Aŭdzi» byvajuć prablemy ź piečkaj. Pra padpał jon daviedaŭsia ad kaleh-siłavikoŭ paźniej, kali jaho vyklikali na dopyt.

Łutčanka paskardziŭsia: pahrozy jon atrymlivaŭ i da padpału majomaści, i paśla taho. Pahražali ŭsioj siamji, telefanavali jaho baćkam i kazali, što «vaš syn pamior». A kali zhareŭ dom i mašyna, jaho žoncy na pracy kazali: tak tabie i treba!

Taksama Łutčanka vykazaŭsia, što «banda Aŭtuchoviča» — heta «beneefaŭcy, i jon ich nienavidzić».

Ale ŭsie pakuty nie prajšli dla milicyjanta darma: jon raskazaŭ, što niadaŭna jaho pavysili, navat dali piersanalnaje aŭto.

Volha Majorava nie ściarpieła i vykazałasia: chaču skazać hetamu čałavieku — źmienicca ŭłada i ŭsio budzie zusim inakš! 

Hramadzianski pazoŭ ab kampiensacyi materyjalnaj i maralnaj škody Łutčanku byŭ vystaŭleny ŭsim abvinavačanym. Z pazovam nie pahadziŭsia nichto, akramia Paŭła Savy.

«Mienavita Pavieł Sava padčas papiaredniaha śledstva daŭ pakazańni, u jakich pryznaŭsia ŭ ździajśnieńni padpałaŭ majomaści paciarpiełaha Viktara Łutčanki, padrabiazna raspavioŭšy pra toje, jak i z kim jany płanavalisia i ździajśnialisia», — pisała «SB».

Jašče adzin paciarpieły — amapaviec Aleh Siadač. Jaho mašynu padpalili ŭ Hrodna. Jon spačatku chacieŭ 10 tysiač rubloŭ materyjalnaj kampiensacyi, praŭda, kali daviedaŭsia, što ekśpierty naličyli škody na 4,4 tysiačy, to pahadziŭsia i z takoj ličbaj. Maralnuju škodu amapaviec acaniŭ u 20 tysiač: maŭlaŭ, heta banda, chaj usie jamu zapłaciać. 

Abvinavačanyja ŭ svaju čarhu praciahvali skardzicca na ŭmovy ŭtrymańnia. Halina Dzierbyš kazała, što ŭ turemnaj ježy znachodzić pacučynuju poŭść. Jana ličyć heta ciskam praź jaje admovu ŭzvodzić paklop na inšych abvinavačanych. Sudździa na heta adkazaŭ: takija pretenzii nie da jaho, a da načalstva turmy.

Čytajcie pa temie:

«My vyjdziem ščylnymi radami». Padrabiaznaści taho, što adbyvajecca na pracesie Aŭtuchoviča, uražvajuć i vymušajuć zadumacca

Padumaŭ, što haryć jaho mašyna, i pabieh tak chutka, što parvaŭ suchažylle. Dziŭny paciarpieły pa spravie Aŭtuchoviča

Kamientary

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA8

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA

Usie naviny →
Usie naviny

Bułački z čarnicami — recept1

FBR nazvała imia taho, chto stralaŭ u Trampa23

Kali ź Biełarusi sydzie anamalnaja śpioka4

Rasijanie zaniali Uradžajnaje

Biełaruska padarožničaje pa samych biednych krainach Afryki i raskazvaje — jak heta, kali ciabie pastajanna razvodziać na hrošy12

Dva čałavieki zahinuli ŭ avaryi pad Mahilovam, čaćviora — u reanimacyi8

Donald Tramp zrabiŭ zajavu paśla ataki na jaho8

Bajden skazaŭ, što molicca za Trampa, i zaklikaŭ abjadnacca ŭsiu nacyju11

Čałaviek, jaki stralaŭ na mitynhu ŭ Donalda Trampa, zabity9

bolš čytanych navin
bolš łajkanych navin

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA8

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA

Hałoŭnaje
Usie naviny →