Papulizm u dziejańni: Łukašenka dazvoliŭ ukraincam źbirać jahady na Almanskich bałotach, choć jaho pra heta nie prasili
Ukraincam, jakija žyvuć u Sarnienskim rajonie Rovienskaj vobłaści, dazvolać naviedvać zakaźnik «Almanskija bałoty» na biełaruskaj terytoryi dla zboru dzikarosłych jahad. Admysłova padkreślivajecca, što rašeńnie pryniataje Łukašenkam «niahledziačy na adsutnaść padobnaha zapytu z ukrainskaha boku», uličvajučy «pramuju zaležnaść uzroŭniu žyćcia mnohich žycharoŭ pryhraničnych rehijonaŭ susiedniaj krainy ad narychtoŭki i dalejšaj realizacyi dzikarosłych jahad, sabranych na biełaruskaj terytoryi», paviedamlaje Dziaržpahrankamitet.
Z 1 lipienia ŭkraincy zmohuć pierasiakać ukrainska-biełaruskuju miažu pieššu abo na rovarach u miescach sproščanaha propusku «Mutvica», «Chiničaŭ», «Sielišča». Jany buduć pracavać z 1 lipienia da 10 žniŭnia z 6 da 22 hadzin i z 1 vieraśnia da 15 listapada z 7 da 20 hadzin. Z ulikam umoŭ nadvorja terminy mohuć być źmienienyja.
Dla pierasiačeńnia miažy hramadzianie Ukrainy pavinny mieć papiarovy pašpart (płastykavaja kartka nie padychodzić), daviedku z «sielskaha vykankama» z fota i piačatkaj, vydadzieny Dziaržpahrankamitetam propusk, kvitancyju ab apłacie pošliny za naviedvańnie zakaźnika (320 rubloŭ).
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy7
Kamientary