Zdaroŭje

Ci varta vašamu dziciaci zajmacca sportam? Sabrali piać pieravah, jakija vas pierakanajuć

Fizičnyja praktykavańni časta adychodziać na druhi płan. Navat kali baćki dbajuć pra heta, im ciažka zajmacca rehularna, zdajecca, što času brakuje. Ale pryjšoŭ čas źmianić situacyju, bo na kartu pastaŭlenaje ŭsiebakovaje raźvićcio dziaciej, piša Onet.pl.

Fota: Adoscam/wikimedia.org

Nie abaviazkova, a moža, i nie varta, kab dzicia zajmałasia sportam prafiesijna. Ale praktykavańni musiać być rehularnymi, bo tolki tak jany daduć efiekt. Voś, u čym dapamahaje sport.

1. Fizičnaje raźvićcio

Fizičnyja praktykavańni ŭmacoŭvajuć ŭsio cieła i farmujuć myšcy. Jany pavyšajuć siłu i pracazdolnaść. Jany dapamahajuć vypracavać pravilnuju pastavu, źnižajučy ryzyku ŭźniknieńnia defiektaŭ fihury i chrybietnika. A jašče dzicia vučycca pravilnaj kaardynacyi ruchaŭ, što robić jaho mienš schilnym traŭmaŭ i padzieńniaŭ.

2. Zdaroŭje ŭnutranych orhanaŭ i niervovaj sistemy

Rehularnyja, ale nie zanadta mocnyja, nahruzki, trenirujuć serca. Praktykavańni taksama palapšajuć pracu niervovaj sistemy i mozhu, jaki lepš zabiaśpiečvajecca kryvioju. A navučańnie dajecca lahčej za košt rehulavańnia pracy niejratranśmitaraŭ i niervovaj sistemy. Palapšajecca pamiać, dzicia chutčej prymaje rašeńni i nie adčuvaje prablem z kancentracyjaj. Heta dazvalaje jamu lepš padtrymlivać samadyściplinu.

3. Abmien rečyvaŭ i imunitet

Sport taksama palapšaje abmien rečyvaŭ i praduchilaje atłuścieńnie. U takich dziaciej mienš prablem z padtrymańniem zdarovaj vahi i jany ź mienšaj imaviernaściu buduć jeści fast-fud ci inšuju niezdarovuju ježu. Fizičnaja aktyŭnaść taksama padtrymlivaje imunnuju sistemu, tamu dzieci nie tak mocna pakutujuć ad infiekcyjaŭ.

4. Zdarovaja psichika

Fizičnaja aktyŭnaść vyklikaje sakrecyju harmonaŭ ščaścia u hipofizie, endarfinaŭ. U dziaciej palapšajecca nastroj, raście ich upeŭnienaść u sabie — nie tolki dziakujučy vonkavamu vyhladu, ale i dziakujučy dasiahnieńniu metaŭ i bolšaj viery ŭ svaje mahčymaści. Taksama sport spryjaje razradcy zališniaj enierhii.

5. Charaktar i matyvacyja

Sport farmuje charaktar, bo zmušaje stavić mety i dasiahać ich. Jon pavyšaje mužnaść i ambicyi dziciaci i zaachvočvaje jaho vychodzić za miežy zony kamfortu. Jon daje honar za dasiahnieńni, ale taksama vučyć prymać niaŭdačy. Heta taksama vydatny sposab navučycca kamandnaj hulni, paznajomić dzicia z praviłami zdarovaj kankurencyi i sumlennaj hulni.

Kamientary

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady

Usie naviny →
Usie naviny

MZS Polščy abviarhaje infarmacyju ab zabaronie na ŭjezd dla biełaruskich aŭtamabilaŭ — Viačorka10

U Minsku skardziacca na zatrymku vydačy pašpartoŭ. U čym pryčyna?7

«Na pieršym dopycie ja raskazaŭ usio, što viedaŭ». Stryžak pra toje, jak u 16 hadoŭ padstaviŭ aktyvistku10

Čamu tak šmat maładych chvareje na rak?5

Stała viadoma, jak pakarali biełarusa, jaki adrezaŭ vušy sabaku3

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda3

Sajt «Biełsata» pierajšoŭ na minimalny režym pracy4

Dyrektarka Sakretnaj słužby ZŠA paśla zamachu na Trampa pajšła ŭ adstaŭku6

Stała viadoma pra aryšt historyka Ihara Mielnikava21

bolš čytanych navin
bolš łajkanych navin

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady

Hałoŭnaje
Usie naviny →