Recept na vychadnyja. Faršyravanyja kurynyja hrudki — novy padychod da zvyčajnaj viačery
Hetaja kuracina stanie dobrym pačastunkam navat na ramantyčnaj viačery. Ale možna padać jaje z varanaj maładoj bulbaj — i tady vy atrymajecie bolš sytnuju stravu.
Fota: BBC Food
Kab zhatavać faršyravanyja kurynyja hrudki, vam spatrebicca:
- dźvie kurynyja hrudki biez skury i biez kostak
- 60 hramaŭ miakkaha śmietankovaha syru ź zielaninaj
- 4 łustački tonkaj viandliny (prašuta ci naski kumpiak)
- 2 halinki śviežaha čaboru
- 1 stałovaja łyžka drobna narezanaj śviežaj piatruški
- 1 stałovaja łyžka panirovačnych sucharoŭ
- pałova stałovaj łyžki drobna naciortaha parmiezanu
- 1 čajnaja łyžka drobna naciortaj cedry limona
- 1 stałovaja łyžka aliŭkavaha aleju
- 10 tamataŭ čery abo niekalki zvyčajnych, kavałkami
- 40 hramaŭ listkoŭ maładoha špinatu
- sol i śviežazmołaty čorny pierac
- Razahrejcie duchoŭku da 190 hradusaŭ.
- Pakładzicie kurynyja hrudki hładkim bokam na pracoŭnuju pavierchniu. Nievialikim vostrym nažom zrabicie na hrudkach hłybokija nadrezy z druhoha boku. Sačycie za tym, kab nie razrezać hrudku całkam.
- Raskryjcie hrudki jak knižku i pakładzicie ŭ kožnuju z hrudak syr. Składzicie hrudki, kab syr apynuŭsia ŭ ich siaredzinie. Paviarnicie hrudki hładkim bokam uvierch i pakładzicie na kožnuju ź ich pa halincy čaboru. Akuratna zaharnicie kožnuju z hrudak u dźvie łustački viandliny (łusty buduć nakładacca adna na adnu) i vykładzicie kurycu ŭ nievialikuju formu dla zapiakańnia.
- Źmiašajcie ŭ nievialikaj miscy piatrušku, panirovačnyja suchary, parmiezan i cedru limona, zapraŭcie sollu i piercam. Vykładzicie sumieś na kurynyja hrudki, palicie alejem i zapiakajcie hrudki 10 chvilin.
- Raskładzicie vakoł kurycy tamaty čery i hatujcie jaje jašče 10 chvilin ci pakul kuryca i tamaty nie pamiakčejuć. Dadajcie špinat u formu i pieramiašajcie jaho z sokam ad vypiakańnia kurycy, jaki ŭtvaryŭsia ŭ formie. Viarnicie miasa ŭ duchoŭku jašče na chvilinu, potym raskładzicie hatovuju stravu na dźvie talerki i padavajcie.
Recept na vychadnyja. Pirožnyja paštejš — vizitnaja kartka partuhalskaj kuchni
Ci sapraŭdy čałaviek pavinien jeści try razy na dzień?
A moža, usio ž varta, kab Łukašenka ŭdzielničaŭ u pieramovach pa Ukrainie?37
Kamientary