Palitviaźniu Viačasłavu Papovu, asudžanamu da «chimii», uzmacnili režym. Jaho pieravodziać u kałoniju
9 červienia ŭ sudzie Kastryčnickaha rajona Hrodna adbyŭsia razhlad spravy ab uzmacnieńni režymu palitviaźniu Viačasłavu Papovu. Sudździa Vital Łabocki pastanaviŭ pieravieści Viačasłava z «chimii» ŭ papraŭčuju kałoniju.
Jamu zastałosia adbyć u kałonii kala 9 miesiacaŭ. Pakul nieviadoma, kudy nakirujuć palitviaźnia.
Minčuka zatrymali 10 sakavika 2021 hoda ŭ jaho doma. Dačakaŭšysia, pakul baćki Viačasłava źjeduć, siłaviki ŭzłamali dźviery ŭ kvatery, pakłali chłopca na padłohu i mocna źbili. U kvatery byŭ praviedzieny pieratrus, na jaki baćkoŭ nie puścili.
Pavodle abvinavačvańnia, Viačasłaŭ Papoŭ pryniaŭ aktyŭny ŭdzieł u niesankcyjanavanych masavych mierapryjemstvach, udzieł u pratestach 9, 10 žniŭnia, 30 žniŭnia i 27 vieraśnia, naprykład, 9 žniŭnia — i abraźlivyja słovy ŭ adras supracoŭnikaŭ pravaachoŭnych orhanaŭ, a 27 vieraśnia siarod inšaha — nakleiŭ stykier na śviatłafor i vykrykvaŭ łozunh «Žyvie Biełaruś». Jaho sudzili pa č. 1 art. 342 Kryminalnaha kodeksa (hrubaje parušeńnie hramadskaha paradku).
10 lipienia 2021 Viačasłavu pryznačyli 3 hady «chimii». Termin chłopiec adbyvaŭ u hrodzienskaj PUAT №24.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska4
Kamientary