Hramadstva

«Jamu daviałosia pasiadzieć z kileram». Žonka žurnalista Andreja Kuźniečyka raskazała pra spatkańnie ź im

Žurnalistu «Radyjo Svabody» Andreju Kuźniečyku prysudzili 6 hod kałonii ŭzmocnienaha režymu pa abvinavačańni ŭ «stvareńni ekstremisckaha farmavańnia» (art. 361-1 KK). Zakryty praces praviali za niekalki hadzin. Paśla prysudu žonka palitviaźnia Alesia sustrełasia ź im u mahiloŭskaj turmie. Pra spatkańnie jana raspaviała «Radyjo Svaboda».

Pa słovach žonki, Andrej Kuźniečyk tak acaniŭ kryminalnuju spravu i sudovy praces nad im: tyja, chto «daśledavaŭ» jahonuju spravu i chto sudziŭ, «moža i nia samyja drennyja ludzi, jakija mahli jamu trapicca ŭ ciapierašnich abstavinach, — adčuvałasia, što «pracu» svaju jany robiać bieź vialikaj achvoty, — ale heta nia značyć, što jon pavinien ich lubić. Bo vybar svoj jany zrabili».

Pra prysud skazaŭ, što nie pryznaje svajoj viny, bo «nie razumieje, što jamu pryznavać».

«Kiraŭnictva «ekstremisckim farmavańniem» jon nia moža pryznać, bo śpis «kiraŭnikoŭ» nie sakret, jon raźmieščany navat na sajcie Svabody. A pra arhanizacyju — ŭvohule śmiešna», — kaža Alesia.

Andrej budzie abskardžvać vyrak, na nastupnym tydni da jaho pajedzie advakat.

Pavodle žonki žurnalista, vialiki termin pakarańnia nia staŭ dla jaho niečakanaściu:

«Andrej daŭno maralna rychtavaŭ nas da prykładna takoha vyraku, pry hetym kazaŭ, što naŭrad ci daviadziecca jaho adbyvać całkam», — adznačaje Alesia.

Viadoma, jon «asablivaj radaści ad prysudu nie adčuŭ», ale bolš Andrej Kuźniečyk nervavaŭsia z toj nahody, što na abviaščeńnie prysudu pryjšła jahonaja maci, kaža Alesia.

Sama jana pra vyrak mužu havoryć tak:

«Ja adčuvaju, što peryjad vyprabavańniaŭ praciahvajecca, ale sumniavajusia, što jon budzie takim doŭhim.

Ja jak žonka svajho muža, ź jakim u mianie jość niejkaja navat metafizyčnaja suviaź, i za hety čas navat naźbirałasia hetamu dastatkova piśmovych dokazaŭ, adčuvaju svaju zadaču trymać emacyjnuju raŭnavahu, napaŭniać naša ahulnaje psychaemacyjnaje pole stanoŭčymi emocyjami».

Da taho ž, u ich z Andrejem dvoje dzietak — vaśmihadovaja Janina i dvuchhadovy Maćviej — jakija, pavodle Alesi, ciapier «nie dajuć ni času, ni mahčymaści zanuracca ŭ niejkija sumnyja dumki».

Ciapier Andrej rychtujecca da kalonii. Pavodle žonki, pačuvajecca dla svajoj sytuacyi jon ciapier niadrenna, jość z kim pahavaryć, u turmie dobraja biblijateka, jość radyjo, čakajecca televizar. Pavodle jaho raspoviadaŭ, u Mahilovie kamery i dvary bolšyja, «sonca jość i ptušak čuvać».

Andrej kazaŭ, što jon nadziva chutka asvojvajecca ŭ dosyć lubych umovach, navat sam nie čakaŭ. Susiedzi ŭ jaho roznyja, daviałosia navat pasiadzieć z kileram, kaža, što traplajucca i «vielmi niezvyčajnyja kadry, ale kali sam ty narmalny i spakojny, to prablem asablivych nie ŭźnikaje, bo i dobrych ludziej tam dastatkova, asabliva zaraz».

Listy jamu stali dachodzić lepš, zaznačaje Alesia. Što da ŭmovaŭ u kalonii, pavodle Andreja Kuźniečyka, «ekstremisty tam chodziać ź miesca na miesca ŭ kajdankach, u adroźnieńnie ad zabojcaŭ», ale ŭ cełym nijakaha cisku ci asablivaha staŭleńnia da jaho niama.

«Kazaŭ, šmat chodzić roznaj infarmacyi siarod źniavolenych, u tym liku niepraŭdzivaj. Radujecca, što ŭmieje jaje filtravać i nia brać da hałavy ŭsialakaje hłupstva», — raspaviadaje jana.

Andrej chacieŭ by daviedacca, što pra jaho pišuć, cikaviŭsia padziejami va Ŭkrainie, ale skazaŭ, što z televizara zrazumieje ahulnuju karcinu.

Ahułam sustreča z mužam atrymałasia niejkaja dušeŭnaja, «chatniaja», u adroźnieńnie ad papiaredniaj, kaža Alesia; u ich było kala 2 hadzinaŭ. Andrej vielmi pieražyvaŭ, što ciapier rodnym daloka da jaho dabiracca.

«Vyhladaje Andrej narmalna, i ŭvohule jak i nie było hetaha paŭhadovaha rasstańnia pa adčuvańniach. Vielmi niepasredna pahavaryli, jak raniej», — kaža jana.

Kamientary

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA6

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA6

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →