Łukašenka: Rasija daść Biełarusi 1,5 młrd dalaraŭ na impartazamiaščeńnie
Rasija vydzielić Biełarusi $1,5 młrd na ŭdzieł u prahramach impartazamiaščeńnia, paviedamiŭ Alaksandr Łukašenka padčas sustrečy z hubiernataram Kurskaj vobłaści Ramanam Staravojtam, paviedamlaje BiełTA.
«Z našaha boku my prapanavali rasijanam kankretnyja prajekty, jakija vielmi patrebnyja i buduć najbližejšym časam zapatrabavanyja nie tolki ŭ Biełarusi, ale i ŭ Rasijskaj Fiederacyi. Rasijanie vydzialajuć kala paŭtara miljardaŭ dalaraŭ na hetyja prahramy tolki na terytoryi Biełarusi. My razumiejem, što bieź impartazamiaščeńnia, asabliva pa krytyčnych halinach, tak zvanaha krytyčnaha impartu, nam budzie vielmi składana raźvivacca», — skazaŭ Łukašenka, dadaŭšy, što takoje rašeńnie było pryniataje sumiesna z Uładzimiram Pucinym.
Jon taksama paviedamiŭ, što Biełaruś hatovaja raźvivać handal z Kurskaj vobłaściu i realizoŭvać tam prajekty pad kluč. «My hatovyja akazvać vam pasłuhi pa kapitalnym ramoncie žylla, prajektavańni, praviadzieńni inžyniernych pošukaŭ. Hatovyja budavać pad kluč. Hatovyja pastaŭlać liftavaje abstalavańnie» — rastłumačyŭ Łukašenka.
Jon dadaŭ, što Biełaruś zacikaŭlenaja ŭ pastaŭkach u rehijon karjernaj techniki, hruzavych aŭtamabilaŭ, sielhastechniki, budaŭničaj i darožnaj techniki.
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior20
Kamientary