Finski akcior z «Asablivaściaŭ nacyjanalnaha palavańnia» zakryŭ «z-za suśvietnaj palityčnaj situacyi» restaran savieckaj kuchni
Finski akcior Vile Chaapasała, viadomy pa rasijskamu filmu «Asablivaści nacyjanalnaha palavańnia» zakryŭ restaran Davai Davai ŭ Chielsinki, dzie padavali nacyjanalnyja stravy byłych krain SSSR, piša Bi-bi-si. Pryčynaj zakryćcia, pa słovach akciora, stała «suśvietnaja palityčnaja situacyja».
«U ciapierašni čas ideja restarana — biestaktoŭnaja», — zajaviŭ akcior. Pa jaho słovach, z-za vajny va Ukrainie nacyjanalnyja stravy savieckich respublik stali niezapatrabavanyja.
Ustanova Chaapasała była aformlenaja ŭ styli SSSR — naprykład, na ścienach visieli savieckija płakaty, — i pazicyjanavałasia jak restaran savieckaj kuchni. Jon adkryŭsia ŭ kastryčniku minułaha hoda.
10 sakavika ŭ Fejsbuku ŭstanovy źjaviŭsia post u padtrymku Ukrainy. Razam ź im restaran abviaściŭ ab arhanizacyi viačery «Słava Ukrainie», vyručka za jakuju, jak paviedamlałasia, adpravicca ŭ arhanizacyju, jakaja dapamahaje ukrainskim dzieciam. U mieniu prapanoŭvalisia boršč, chačapury, biefstrohanaŭ i desiert «Paŭłava».
«Napad Rasii na Ukrainu — niezakonnaje i žudasnaje złačynstva, jakim zaŭsiody źjaŭlajecca vajna. Smutak, tryvoha i pakuty, jakija ludzi adčuvajuć u razhar vajny, spustašalnyja. I samaje žudasnaje pačućcio — što dzieci pavinny pakutavać i padviarhacca hvałtu», — cytavała ŭstanova akciora.
Viadomaść Chaapasała atrymaŭ paśla roli Rajva ŭ rasijskim kamiedyjnym filmie «Asablivaści nacyjanalnaha palavańnia» 1995 hoda. Tam jon syhraŭ maładoha čałavieka ź Finlandyi, jaki zahłyblajecca ŭ ruskuju kulturu i zvyčai, jakija, pa jaho ŭjaŭleńni, byli źviazanyja z ruskim palavańniem. Paśla Vile Chaapasała źniaŭsia jašče i ŭ praciahu filma — «Asablivaści nacyjanalnaj rybałki», choć i ŭ epizadyčnaj roli.
Nočču ŭ Biełaruś zalacieli vosiem dronaŭ. Adzin amal dabraŭsia da miažy ź Litvoj3
Kamientary