Šolc vykazaŭsia suprać pasłableńnia sankcyj suprać Łukašenki dziela pieravozak zbožža
Adnym z varyjantaŭ rašeńnia prablemy zabłakavanaha z-za vajny ŭkrainskaha zbožža moža być pieravałka jaho praz party krain Bałtyi. Pa słovach Šolca, taki maršrut možna było b arhanizavać.
«Heta nijakim čynam nie pavinna stać dla nas pieradumovaj dla źniaćcia sankcyj z Łukašenki. Heta ciažkaja i vialikaja zadača. My pastarajemsia znajści ahulnaje rašeńnie ź inšymi dziaržavami i AAN», — skazaŭ Šolc na sumiesnaj pres-kanfierencyi z prezidentam Litvy Naŭsiedam.
Kancler FRH uskłaŭ adkaznaść za stvareńnie pahrozy charčovaha kryzisu na Rasiju. Pry hetym Šolc adznačyŭ, što kali budzie dasiahnutaje niejkaje pahadnieńnie, jano nie pavinna pakidać Rasii mahčymaść złoŭžyvać zbožžavymi kalidorami.
U svaju čarhu Hitanas Naŭsieda zajaviŭ, što tolki moža paŭtaryć svaju raniejšuju zajavu. Nahadajem, jon skazaŭ, što arhanizacyja zbožžavaha tranzitu praź Biełaruś zapatrabuje i adnaŭleńnia čyhunačnaj infrastruktury, adnak niama harantyj, što jana dalej nie budzie vykarystoŭvacca dla nastupu rasijan na Ukrainu.
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi3
Kamientary