The Wall Street Journal: ZŠA daduć Ukrainie RSZA, zdolnyja traplać u celi na adlehłaści bolš za 64 km
Administracyja prezidenta ZŠA płanuje dać Ukrainie rakietnyja sistemy załpavaha ahniu, zdolnyja traplać u celi na adlehłaści bolš za 64 kiłamietraŭ. Pra heta piša The Wall Street Journal sa spasyłkaj na krynicy.
U RSZA, jakija ZŠA płanujuć adpravić va Ukrainu, dalokaść dziejańnia prykładna ŭdvaja bolšaja, čym u haŭbic M777, užo pieradadzienych Ukrainie.
Na minułym tydni aficyjnyja asoby ZŠA zajavili, što Bieły dom blizki da rašeńnia, jakija sistemy dać Kijevu, ale nie nazvali kankretnaj zbroi.
U paniadziełak uviečary aficyjnyja asoby zajavili, što meta adpraŭleńnia reaktyŭnaj sistemy załpavaha ahniu — abo GMLRS — palahaje ŭ tym, kab uzmacnić ahniavuju moc Ukrainy suprać rasijskich vojskaŭ, jakija ŭvarvalisia na Danbas, nie dazvalajučy Kijevu pieranieści vajnu na terytoryju Rasii.
RSZA, jakija razhladajucca dla zabieśpiačeńnia, majuć značna mienšuju dalokaść dziejańnia, čym vajskovaja taktyčnaja rakietnaja sistema, jakaja moža pieraadolvać adlehłaść amal u 300 km i jakuju administracyja ZŠA nie ŭklučaje ŭ svoj nastupny pakiet uzbrajeńniaŭ dla Ukrainy.
Nieviadoma, kolki sistem GMLRS pastaviać ZŠA. Adzin čynoŭnik skazaŭ, što jany mohuć prybyć va Ukrainu na praciahu niekalkich tydniaŭ. Navučańnie ich vykarystańniu pačniecca chutka i zojmie nie mienš za 10 dzion.
Rakiety buduć ustalavanyja na kołavaj puskavoj ustanoŭcy, jakaja nazyvajecca High Mobility Artillery Rocket System. Čakajecca, što administracyja abjavić ab svaim rašeńni na hetym tydni.
Kamientary