Danija i Niderłandy nie buduć płacić Rasii za haz rublami i rychtujucca da spynieńnia jaho pastavak
Siońnia zajavy pra admovu płacić Rasii za haz rublami zrabili dackaja enierhakampanija Orsted i niderłandskaja GasTerra. Pastaŭki rasijskaha hazu, chutčej za ŭsio, buduć imi spynienyja, ale kampanii nie biadujuć, bo ŭpeŭnienyja ŭ najaŭnaści hodnych alternatyŭ.
Najbujniejšaja enierhakampanija Danii Orsted zajaviła, što nie budzie rabić płaciažy Rasii za pastaŭleny haz u rublach.
Jak havorycca ŭ zajavie Orsted, kampanija rychtujecca, što «Hazpram» spynić pastaŭki. Ale kampanija spadziajecca, što zmoža zabiaśpiečyć alternatyŭnyja pastaŭki na jeŭrapiejskim aptovym rynku.
Orsted dadaje, što kančatkovy termin płaciažu — aŭtorak, i kampanija praciahnie płacić u jeŭra. Tamu «isnuje ryzyka, što «Hazpram ekspart» spynić pastaŭki hazu», — havorycca ŭ paviedamleńni.
Adnačasova i pastaŭščyk hazu ŭ Niderłandy kampanija GasTerra pryniała rašeńnie nie vykonvać patrabavańni «Hazprama» płacić za rasijskaje błakitnaje paliva ŭ rublach. Pra heta havorycca ŭ paviedamleńni GasTerra. Tut taksama adznačajecca, što Rasija spynić pastaŭki z 31 maja.
«Heta źviazana z tym, što heta moža pryvieści da parušeńnia sankcyj, uviedzienych ES, a taksama tamu, što isnuje zanadta šmat finansavych i apieracyjnych ryzyk, źviazanych ź nieabchodnym varyjantam apłaty», — havorycca ŭ zajavie.
Spynieńnie pastavak aznačaje, što z 31 maja da 1 kastryčnika 2022 hoda, kali pavinien skončycca aktualny kantrakt, GasTerra nie atrymaje kala 2 młrd kubičnych mietraŭ hazu. Ale jak i ŭ dackim vypadku, tut kampanija taksama ŭpeŭnienaja, što hety abjom jana zmoža biez prablem atrymać ad inšych pastaŭščykoŭ.
Raniej u rublach admovilisia płacić Rasii za haz Polšča, Bałharyja i Finlandyja, «Hazpram» pastaŭki im spyniŭ.
-
U zakinutaj šachcie ŭ Paŭdniovaj Afrycy padčas błakady ŭładami zahinuli 78 nielehalnych rabočych
-
Bajden u raźvitalnym zvarocie da nacyi papiaredziŭ ab mahčymym zachopie ŭłady aliharchijaj, jakaja pahražaje demakratyi
-
Francyja praviała patajemnyja vučeńni pa ŭvodzie vojskaŭ va Ukrainu dla adbićcia ahresii ź Biełarusi
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy13
Kamientary