Bajden skazaŭ, što ZŠA nie daduć Ukrainie rakiety, jakija «mohuć dalacieć da Rasii». Ciapier usie dumajuć, što jon mieŭ na ŭvazie
Prezident ZŠA Džo Bajden skazaŭ, što ZŠA nie buduć pastaŭlać Ukrainie rakietnyja sistemy, jakimi možna budzie abstrelvać Rasiju. Prytym skazaŭ śpiecyfična, bo kinuŭ tolki karotkuju repliku na hetuju temu, viartajučysia ŭ Bieły dom paśla vychadnych u štacie Dełavier, idučy da budynka ad viertalota. Tamu, što mieŭ na ŭvazie, pakul niezrazumieła, piša «Bi-bi-si».
«My nie budziem pasyłać Ukrainie rakietnyja sistemy, jakija mohuć dastać da Rasii», — skazaŭ prezident ZŠA. Jon nie skazaŭ, jakija mienavita sistemy rakietnaj artyleryi jon mieŭ na ŭvazie, i tamu mnohich źbiantežyŭ.
Bo bolšaść sistem załpavaha ahniu, tearetyčna, mohuć bić pa terytoryi Rasii z pryhraničnych ź joj rajonaŭ Ukrainy. Tak, jak i Rasija, jak uvieś čas paviedamlajuć ukrainskija pamiežniki, abstrelvaje sa svajoj terytoryi pamiežnyja ŭkrainskija vobłaści.
Havorka moža iści pra reaktyŭnyja sistemy załpavaha ahniu (RSZA) M142 HIMARS i M270 MLRS. Ukraina daŭno patrabuje dać joj takuju zbroju. Niekatoryja rakiety, jakimi stralajuć hetyja sistemy, majuć dalokaść u dziasiatki kiłamietraŭ, a niekatoryja — da 300. Mahčyma, mienavita hetyja apošnija i mieŭ na ŭvazie Bajden.
Niezadoŭha da zajavy Bajdena ŭ «Bi-bi-si» źjaviłasia infarmacyja, što ŭrad ZŠA blizki da stanoŭčaha rašeńnia adnosna pastaŭki kompleksaŭ. Mahčyma, situacyju chutka rastłumačać u Pientahonie.
Łukašenka ŭpieršyniu źjaviŭsia na publicy razam z mamaj Koli19
Kamientary