Orban hatovy padtrymać šosty pakiet sankcyj suprać Rasii, kali Vienhryju zabiaśpiečać syravinaj
Vienhryja hatovaja padtrymać šosty pakiet sankcyj, u tym liku naftavaje embarha, kali budzie harantavanaje zabieśpiačeńnie krainy syravinaj. Pra heta pierad pačatkam pasiadžeńnia Jeŭrapiejskaj rady zajaviŭ premjer-ministr Vienhryi Viktar Orban, piša reform.by. Pa jaho słovach, na dadzieny momant nijakaha pahadnieńnia niama.
Orban abvinavaciŭ u adsutnaści pahadnieńnia Jeŭrakamisiju, jakaja, maŭlaŭ, nasupierak rašeńniu Viersalskaha samitu vyniesła pytańnie ab naftavym embarha biez prapanovaŭ, jak buduć vyrašacca pytańni enierhazabieśpiačeńnia.
Pavodle słoŭ vienhierskaha premjera, spačatku pavinna być znojdziena rašeńnie z pastaŭkami nafty, a ŭžo paśla taho ŭvodzicca sankcyi, a nie naadvarot, jak vynikaje z prapanovy Jeŭrakamisii. Jaje padychod jon ličyć ryzykoŭnym.
«My hatovyja padtrymać šosty pakiet, kali budzie rašeńnie pa zabieśpiačeńni Vienhryi», — skazaŭ Orban.
Jon nazvaŭ prapanovu pa vyzvaleńni ad embarha trubapravodnych pastavak «niadrennaj», ale, pavodle jaho słoŭ, Vienhryja maje patrebu taksama ŭ rašeńni na toj vypadak, kali pastaŭki pa trubapravodzie buduć pierapynienyja, naprykład, u vyniku bajavych dziejańniaŭ. Tady Vienhryja, jon ličyć, pavinna mieć mahčymaść atrymlivać rasijskuju naftu inšym šlacham.
Vializnuju kolkaść ludziej vyklikajuć u milicyju, adździeły kadraŭ, dekanaty pierad vybarami5
Kamientary